姐控記事: 序.2

第二日起身，第一時間睇電話，有無dm呢？燈燈燈櫈…係無嘅…我望望時間，就遲到啦，即刻仆落床刷牙洗面，阿爺已經晨運完飲埋早茶返嚟，睇緊報紙，“爺爺早晨，我返學啦！”“嗯，又遲到…一路行一路食啦…”我攞咗枱面個包，“okok！”我飛奔返學校，仆街啦強哥係門口比訓導拉左，根據平時慣例遲過強哥就遲硬到…訓導係個好串嘅miss，最鍾意針對啲操行分差嘅學生，唉…“乜咁遲呀，李同學，今個月第二次喎！”“miss chan要罰咪罰囉，服務下學校姐我ok喎，都係掃下操場姐次次都係㗎啦！”阿強搶先一步咁答，“好，你地鍾意服務學校非常好，掃地唔夠咁洗埋廁所佢！”miss chan講完行入學校大門。“強哥真係唔該曬，不過下次出少句聲好嘛？”“定啦兄弟！”跟住我地係學校大堂罰企，等同學集完會返曬課室先走得。今日如常上完堂，一放學就俾訓導捉住。＂認真啲清潔，唔好俾我見到你地再遲到！＂miss chan講完又去守學校門口捉人違規。＂快手搞掂快啲走啦強哥。＂我攞起地拖。強哥係門口周圍望好似等緊人，＂肥叔！＂。校工肥叔人如其名，成個波咁有個大肚腩，但對我地好好。＂細路又俾人罰呀？＂＂係呀係呀，咁我地幫你搞掂canteen同操場！＂＂得啦依度交俾阿叔。＂＂唔該肥叔。＂我交地拖俾肥叔，＂細路醒啲唔好俾主任罰啦！＂＂知啦唔該肥叔！＂我掃緊canteen有兩條友行入小食部買嘢，見到佢地，心入面得三個字＂仆街呀！＂。佢地見到我特登行埋嚟，＂咦，掃地呀？bb你以前條仔呀？＂男嘅咁講，隔離條女點頭＂係呀bb＂。係，條女係我個ex，就係依兩氣仆街派帽俾我。。。條仔掉咗枝水落地，淋到成地濕曬。＂唉呀，跌咗枝水添！＂＂手震返屋企瞓啦on9仔。＂佢睥行我，強哥依個時候撲過嚟＂屌，手軟連水都揸唔穩呀？定呀victor，派帽嘅女唔要都罷！＂。我地四個對峙緊。miss chan行過就問＂你地發生咩事？阿ben咩事？＂，條仔答＂無事呀miss吹水姐！＂。miss chan轉向我地＂你兩個咪搞事呀，洗完廁所啦？＂ ＂搞掂啦miss．．．＂。我打斷強哥說話＂係佢搞事！＂＂人地操行年年攞a成績又好，會搞事咩！＂＂我細細聲講咗句＂屌你啦。＂＂你講多次！＂＂無嘢啦miss，點會關師兄事，慣架啦。成績好呀嘛！＂強哥幫我兜。miss放ex佢地走，又訓話咗我地幾分鐘，命令我地清潔埋canteen先走得。＂你撳罐嘢飲抖抖，我快趣搞掂返去打機。＂＂我無嘢。＂＂你無嘢？著曬火。無嘢我介紹啲師姐你識下啦兄弟。＂＂咪啦。＂講講下都清潔完canteen，同肥叔講聲就走啦。