我次次拍拖都拍唔長，因為我……: 女鬼篇
估唔到原本好冷靜嘅阿希畀個港女激到大爆發，仲提出同人男友扑嘢開眼呢啲痴線方法
唔知佢係想用激將法定點，但呢招都相當成功，令原本巴渣潑辣嘅Emma聲都唔敢聲，終於靜咗落嚟Emma畀人鬧完之後眼濕濕，好委屈咁講「我死得咁突然，阿謙想見我最後一面都唔得....瞻仰遺容果日，阿謙喊得好勁，我唔捨得同佢陰陽相隔」
其實佢都好慘嘅
死之前都見唔到男朋友一面，冇得好好道別，我話「有個方法阿謙會見到你，唔洗搞基咁激，其實同阿希拖手嘅人都可以短暫咁見到鬼，如果阿謙同阿希拖住手，咁阿謙都會睇到你，你趁呢個機會好好同佢道別啦.....始終人鬼殊途，你冇可能再同佢起埋一齊㗎啦，你咁樣做對佢都唔係最好嘅做法....」Emma默默地點頭，話「好啦，我唔會再搞阿謙，麻煩阿希你幫幫手，等佢康復我想見埋佢最後一面
到時可能要麻煩你幫手通靈」阿希話「好，幫你無問題，但你一定要按照約定，之後要投胎轉世，唔好再搞住阿謙」Emma話好，之後伸出右手，豎起手指尾，阿希都伸出手同佢勾手指尾，呢件事以呢個方法解決都好嘅，Emma佢可以了咗個心事，希望阿謙可以好番，再次同Emma 相見