我次次拍拖都拍唔長，因為我……: 大叔篇
雖然我自己未試過畀最信任嘅人出賣，但我聽完阿希嘅經歷都覺得佢好慘
估唔到佢飽受過咁多折磨，唔知係咪飲得太多受酒精影響，我竟然諗到冇諗就攬住佢，果下我只係想畀安慰佢支持佢，佢攬住我一路喊，啲眼淚沾濕咗我件睡衣，熱燙燙嘅眼淚係我嘅膊頭上流淌，我開始feel 到成個背脊都濕晒叫佢喊到收咗聲之後，我除咗件上身衫，佢一臉愕然，我話「我件睡衣濕咗貼住個身唔係好舒服」佢話「sorry啊
冇心㗎⋯⋯」我話「唔緊要，大家都係男人肉帛相見都冇咩所謂」佢話「多謝你啊，阿林，同你講完之後我覺得舒服番啲」
其實隻女鬼一直企咗係阿希後面，佢一路講經歷果陣，隻女鬼都有聽仲聽到喊，好彩阿希擁抱我果陣唔係面向住隻鬼
如果唔係見到佢都幾撚驚嚇我攞起罐啤酒畀佢話「嚟，一齊飲鋪勁嘅，忘記晒啲唔開心嘅嘢佢，洗晒啲衰氣
」我哋兩個豪隊啤酒，飲下飲下都唔記得飲咗幾多罐.....開始失去意識......