我次次拍拖都拍唔長，因為我……: 大叔篇
見到個傻仔嚟到，梗係有風洗盡利
即刻點佢去洗廁所倒垃圾，屋企隻女鬼見到有客到都覺得好驚奇，好似動物園嘅遊客咁，不停對住呢個「稀有動物」打量，阿希去到邊隻女鬼就跟到去邊，睇嚟佢有咗新目標，希望佢轉移咗目標，唔好咗搞我，唔好再裝我沖涼
見到佢乖乖地執屋，我就入番房打機，廢事係廳到阻住佢清潔，打打下機，我收到個wtsapp ，我眼尾望咗下，見到係我個西女人上司搵我，心諗屌你老味放假都仲嚟煩鳩住晒，啲嘢咁急就自己做啦，八婆
之後mute 撚咗個電話算基於我今日溝唔到女，心情欠佳，我冇理佢繼續打機，隔咗陣我突個頭出去望下個廳，見到佢都執得幾快手，兩個鐘就將個廳打掃得一塵不染，睇到屋企乾淨番心情都好番啲，我攞起個電話打算睇下條八婆搵我做咩春，點知.....大撚獲
話說佢今晚約咗個客，琴日叫我快手做好份proposal,我都知佢急冇拖佢，通頂死掂咗畀佢，仲做到第朝早，教都冇訓，點知我sd 畀佢個version 唔係最update 版，中間有啲內容未打好，佢頭先係急call 我，仲打咗十幾個電話畀我，睇到佢wtsapp打嘅內容就知佢馨過火屎，佢仲打咗句「你冇帶腦番工㗎？你再唔覆我星期一就等收大信封啦⋯⋯」我即刻開番電腦sd 番update 版畀佢，可惜一切都太遲
瘋狂同佢道歉，佢wtsapp冷淡咁回咗句「冇㗎啦，估客見到你份嘢做到咁好嬲，呢單嘢傾唔成啦，你星期一番公司執嘢啦」我果刻嘅心情好似由天堂跌咗落地獄咁，估唔到會犯咗個咁大嘅錯
阿希見到我停晒手冇打機，問「做咩咁嘅樣？打機game over咗？」我話「我人生game over咗，我啱啱收到通知畀個八婆上司炒咗，睇嚟呢鋪玩撚完
」