性交轉運打喪屍: （103）

「呼~~~」

玻璃門被撞爛，鋪頭無遮無掩，微風由外面輕輕吹入嚟。

我地將移左位嘅梳化同檯櫈，重新搬去塞返住門口。

明明都射左一次，但「細佬」仲係一路硬掘掘。

其實我都知自己講大話佔Kappa便宜，咁做好卑鄙，問題係扯住扯住又真係好辛苦。



我同佢坐到床邊，跟住拉開條褲鏈，捉住對方隻手，教佢點樣捋jer。

佢白滑嘅手掌包住肉棒，上上下下咁捋。

等佢掌握左個動作，我先慢慢鬆開手由佢自由發揮。

「咁樣就係『打飛機』？只不過飛機乜唔係嗰啲，飛上天嘅交通工具？」Kappa問。

「係，不過『打飛機』係一個專有名詞，同飛嚟飛去嗰啲『飛機』，無乜太大關係。」我解釋。



雖然Kappa好快掌握個動作，但手勢並唔純熟。

一時捋得太快太用力，一時指甲又會唔小心掂到龜頭，痛到我彈起咁滯。

「對唔住…我…我係咪整痛你？」

「你唔洗捏得咁大力，慢慢郁就ok。」

Kappa嘗試放輕力量，上下上下咁chok，同時之間佢挨埋嚟，將耳仔貼近到我心口。



怦怦…怦怦…

佢聽見我快速嘅心跳聲：「你個心，真係跳得好快。」

對方一邊摸住我下體，一邊聽住我嘅心跳聲，令此時此刻嘅我，心跳得比頭先更加快。

怦怦砰怦怦…個心跳得快到好似就嚟彈出嚟咁。

「弊啦！你個心跳得越嚟越快！」Kappa手上嘅速度隨之而加快。

結果一加快，佢又控制唔到道力，捏到我龜頭好痛。

我痛到縮埋並大嗌：「啊！細…細力啲…」

「咚…咚…」



當我尾音剛落，身後再一次傳嚟可怕嘅腳步聲。

Kappa反應好快，一聽到聲就彈起身，並拉我走。

但係，佢無為意手上捉住嘅我重要部分，就咁無情力一掹，幾乎連Jer都扯甩。

「對唔住…我係咪又整痛你…」

呢下真係痛到我鳩縮，表情扭曲，一句說話都講唔到。

Kappa望見出面暗黑之中，有一對紅色嘅眼珠：「弊！隻『紅眼』返轉頭，我地快啲匿埋。」

我掩住下面，彎低腰忍住痛，跟Kappa再次匿返入原本個衣櫃。



「咚！咚！咚！」

隻嘢再一次行入嚟鋪頭。

天色已黑，光線暗淡，從衣櫃嚹窺探，只見一個龐大嘅身影。

「劈啦！」忽然聽到木折斷嘅聲音。

唔知係咪張床俾條友坐斷左。

過左一陣，又傳出「jap jap jap」，一啲疑似食嘢嘅聲。

隻喪屍唔係咁識享受，喺出面帶獵物返嚟，坐喺度慢慢歎下話？

Kappa講到隻嘢咁恐怖，今次我都識得驚，我地匿喺衣櫃，抖氣都唔敢大聲，亦都唔敢郁。



一路等，等到都唔知幾耐，終於聽到嗰啲食嘢聲，變返做腳步聲。

「咚！咚！咚…」聲音漸漸變細。

嗰隻嘢睇嚟準備要離開。

頂！好衰唔衰，呢個時候衣櫃啲塵入左個鼻，搞到我好想打乞嚏。

「Er…乞…」

我掩住口鼻，死忍住唔打，但忍左幾秒，最後都頂唔順，打左出聲：「乞嚏！」