性交轉運打喪屍: （17）

「啪」一聲，掃把都斷埋，老豆卻不痛不癢，毫無反應。

「拿刀！菜刀！」娟姐高呼。

刀？

我快速掃視廚房，喺洗手盆側跟發現刀座。

拳頭同掃把都對付唔到老豆，睇嚟要用刀先得。



我大步踏前，伸手喺刀座抽把菜刀出嚟。

娟姐無力掙扎，俾老豆徹底箝制：「還等什麼！快動手！他要咬下來了！」

雖然我好想郁手，但望住老豆全身上下咁多地方，一時間唔知斬邊度好。

斬隻手？腳？膊頭？抑或個身？

「救命呀！求你快動手！」娟姐以哀求嘅語氣大嗌。



眼見老豆哄埋去娟姐對波度，擘開口準備咬落去，因此我都唔理得咁多，瞇埋眼斬落去，斬中邊度就當邊度。

「叮！！！」

就喺我準備落手一刻，廚房突然響起「叮」一聲。

娟姐同老豆不約而同擰頭過嚟，我順住佢地嘅視線，擰轉面望一望身後。

原來，微波爐入面嘅糯米雞叮返熱左。



下一秒，老豆放開娟姐，向住糯米雞…唔係…係向住我衝埋嚟。

我仲未反應過嚟，就俾對方撲跌，手上嘅菜刀揸唔實，「鏘」一聲跌落地下。

面對來勢洶洶嘅攻擊，手無寸鐵嘅我已經無力招架。

老豆嘅血盆大口完全遮蓋我嘅視線，只差毫釐，佢啲牙就要咬到我塊面。

我幾乎打定輸數，疊埋心水受死。

但就喺呢個時候，突然刀光一閃，一把菜刀垂直劈落老豆個頭頂度。

瞬間血漿四濺，噴到我一面都係，

面前嘅老豆當堂摞低，伏喺我身上，無曬反應。



至於嗰個果斷出手，揮刀劈斬嘅人，就係娟姐。

平時對老豆唯唯諾諾嘅娟姐，估唔到出手居然快狠準。

不過喺咁嘅關頭，唔係你死就我亡，為求保命，真係老豆/老公都無情講，頭先我咁猶豫，幾乎差啲就出事。

「你...沒受傷吧？」娟姐面青青口震震咁，睇得出佢心有餘悸。

「無…我無事…」我口講無事，但其實個心仍然驚魂未定。

「不用怕，已經沒事了，起來吧。」娟姐扭開洗面盤嘅水龍頭，沖洗手上同臉上嘅血跡。

我推開頭上插住菜刀嘅老豆，慢慢企起身，拍拍心口定一定驚後，行返出客廳。