性交轉運打喪屍: （1）

（故事純屬虛構，如有雷同，實屬巧合）


我個名叫吳幸允。

人如其名，我不單只唔幸運，而且仲係一個超級黑仔王，經常行衰運。

細矮啲嘅出街俾人打荷包，行路唔小心踩狗屎、中雀屎、俾人點錯相上門追數等等，呢啲周不時都發生。

嚴重少少嘅試過考dse期間，連續一個禮拜鬧鐘失靈，然後搭巴士架車又半路死火，累到我遲曬大到，最後科科肥曬佬，連ive都唔收，焗住要出嚟做嘢。



（不過坦白啲講句，我平時啲測驗、考試其實從來未試過合格，所以就算正常咁考，應該都係入唔到大學。）

我第一份工係喺間cafe做侍應，好唔好彩，返工第一日就俾人炒魷魚。

事因俾個同事老屈我偷錢，跟住即日就被解僱。

後來失業失左大半年，先再揾到一份倉務嘅工。

同樣係第一日返工，只係返左一個上晝就整親腳，繼而無得撈。



當時我同另一個員工一齊搬貨落架，過程中我地搬到件好重嘅貨，對面條友突然唔夠力鬆開手，然後嗰件接近兩百磅嘅貨件，一嘢砸落我隻腳度。

隻腳「咔啦」一聲，痛到我幾乎暈低，入院照到腳面骨裂加腳趾公骨折。

咁都未算慘，最陰功係連工傷都無得賠。

原因係我未簽約。個HR本來下晝拎份合同過嚟俾我簽，殊不知我返左一個上午就整傷左。

所以話，運滯起上嚟真係咩都有可能發生。



休養左個幾月，輾轉又揾左一大輪既工，最後揾到依家呢份喺道堂打雜嘅兼職。

截止目前，呢份工算係我做得最耐嘅一份工，差唔多做左三個月，暫時都無穿無爛，未俾人炒，算係叫做還得神落。

衰就衰在人工太低，同埋老細份人太刻薄，郁啲就扣人工。

我老細係個道士，人稱「白鶴雲大師」，精通茅山術數，專門占卜驅邪，解厄轉運。

咁多範入面，佢最擅長幫人轉運，當中最出名嘅就係「性交轉運」。

相信大家對呢四個字並唔陌生，意思即係通過性行為嚟改變運程。

呢一日就有個四五線IG女Model，為左增強運氣，提高知名度，特意送上門俾我老細屌。