我是一個學界的灰姑娘: 179. 偷步行醫嘅Clodulf

30分鐘後，我地三個去到醫院門診部，同事見我地返黎都覺得奇怪
 
佢地成日諗，香港人係咪真係做慣奴工?正當上司黎問我地時，Ethan就同上司講
 
「This guy is my brother , he’s doing an internship in Hong Kong. He wants to visit our hospital and see what his brother doing in A&E」
 
「Greys Anatomy, that’s great. Tell me boy, do you think your brother is an….」
 
「Absolutely, he is an asshole」
 




「冇錯!廣東話係咩，我唔太記得，我F.1過黎讀書」
 
「一條羚羊」
 
「冇錯!!羚羊，你係HKU讀醫?」
 
「冇錯」
 
「中學呢?」
 




「我讀皇仁」
 
「小學同羚羊一樣係聖類斯?」
 
「一樣」
 
「咁大家就係兄弟啦」
 
Ethan上司Gerth係小學時過黎澳洲，佢見我地都係香港人，好快就請左我地，而且仲好快安排考試俾我地三個，令我地可以好快做醫生同護士
 




Gerth帶Clodulf去到急症室，睇下平日佢地係急症室嘅運作
 
然後有病人由直昇機推到R房，唔需要Ethan同Gerth出手，就好快救到一個病人
 
浩翹對呢到留低左好深印象
 
Gerth不停咁問浩翹，呢個症點做，遇上某d情況佢會點
 
浩翹都一一答到佢，不過最令人意想不到嘅係一件事
 
當日有個傷者要聯針，一個好簡單嘅外科小手術，係醫科生第一個學嘅手術，係醫院求其係任何一個科目嘅醫生或者護士都可以做到嘅手術
 
「Clodulf，你去幫呢個傷者聯針」
 
我同Ethan聽到都嚇一嚇，非英聯邦及美國醫生，係澳洲行醫都一定要經過澳洲聯邦嘅醫學試再加實習先可以行醫，就算快極都要18個月，好似我同Ethan咁，初到步果時係臨時執業資格。何況浩翹而家仲係醫科生




 
「Gerth，咁做會唔會……」
 
「我就當佢係黎交流，Clodulf你聯」
 
「係…首先…我想睇下傷者資料」
 
「有關係?」
 
「唔同嘅傷者用唔同嘅針同線，可能有d唔需要聯針呢」
 
Gerth聽到之後笑左一下，然後俾個file佢睇
 
「傷者係個5歲嘅小妹妹，香港移民，係公園跌親個頭，而家已經止血清洗好傷口，佢係門診部」
 




5歲…應該用幼針溶線，而且傷口係頭部，有需要落少許麻醉藥
 
浩翹同我地去到門診，個妹妹仲係好驚。浩翹慢慢安撫佢情緒
 
「小朋友，係唔係跌親頭呀?」
 
「係呀哥哥」
 
「痛唔痛呀?」
 
「痛，哥哥…聯針係唔係好痛架?」
 
「俾哥哥睇下先下…」
 
浩翹睇一睇傷口之後，係藥箱到拎左紗布出黎




 
佢就咁放紗布上去
 
「妳頭髮亂左喎，哥哥幫妳扎辮好唔好?」浩翹微笑咁問小妹妹
 
「好」小妹妹回答時好開心，佢已經完全信任眼前嘅大哥哥
 
浩翹用小妹妹d頭髮，黎織外科結?然後固定紗布
 
Gerth見到之後拍一拍Ethan「你細佬好叻，咁都俾佢諗到」
 
Gerth同身邊個護士講，叫家長入黎，始終佢地一家係移民，用廣東話會方便d
 
Ethan想出去講果時，我停左佢
 




始終由女醫生講，會俾到家長信心多d，不過首先我要知道咩事先
 
「點解浩翹用頭髮而唔幫佢聯針?」
 
我點一點頭
 
「果個小妹妹一開始就問聯針痛唔痛，而且係頭部，妳係唔係諗到用幼針溶線加藥?」
 
「冇錯丫，果時車厘龜係咁教架嘛」
 
「教科書上嘅野，同現實係兩回事。如果係小妹妹頭上打針，佢會反抗，再加針嘅話，將來果個位可能會有疤。如果就咁用頭髮固定敷料，以小妹妹傷口黎講，不足兩日就埋口」
 
睇黎，浩翹完全有能力做一個急症室醫生
 
我向家長解釋完之後，就同Ethan兩兄弟返去
 
走之前，Gerth同浩翹交換左聯絡方法
 
睇黎，浩翹都俾Gerth睇中左成為急救團隊之一
 
一個月後，浩翹自己一個人返香港繼續讀書
 
果日慧思喊到好犀利
 
「Hey! Three of you, do me a favour OK?」
 
「OK, Uncle Clodulf」
 
「You three need to take care Charlotte for me OK?」
 
「No problem!!」
 
「Pinky promise?」
 
「Ofcourse!」
 
浩翹同佢兩個外甥同侄仔勾完手指尾後就返香港