我是一個學界的灰姑娘: 143. 你問我答嘅特別嘉賓

「咁Ethan，我近年呢，我見你成日係我地學校出現喎。就係我F.3果年啦，你就成日黎學校幫其他同學手咁喎」
 
「我幫家姐同表妹手有咩問題?」
 
「問題係，果時你家姐F.6，你兩個表妹F.3，但係你走去F.4幫手做咩呀?」
 
「咁…姑姐果班係F.4丫嘛…」
 
佢開始心虛啦
 




「但係…開放日之後呢，有人見你成日等放學喎」
 
「我好乖咁接媽咪同家姐返屋企」
 
「接Miss Lam同小敏姐?佢地唔洗你接呀」
 
Ethan兜唔到啦!!!
 
「咁不如我咁問啦，Ethan你而家有冇拍拖呀?」
 




大家情緒開始高漲
 
「呀…有」
 
「咁請問，Miss Lam有冇批准呀?」
 
「媽咪..有…爸爸…有…姑姐同婆婆都有」
 
「咦?咁即係佢係我地同學?」
 




「係呀…」
 
「F.6架?」
 
大白鯊拍一拍我膊頭
 
「辛苦妳啦，要照顧呢個大細佬」
 
「你睇下你塊面，紅到呢…如果要用一套戲黎形容你地兩個，你會用咩戲呢?」
 
Ethan低頭諗一諗
 
「如果用迪士尼d動畫得唔得呀?」
 
「都可以呀」




 
「Beauty and the beast續集」佢笑咪咪咁講
 
「有…有拍過咩?咁係叫咩名呀??」
 
「第二集叫Handsome and the beast」
 
「Hand…handsome and the beast?」
 
「係呀，美男與野獸」
 
咩話??作死呀佢!!!!
 
「你…點解會咁樣形容自己女朋友嘅?」
 




「咁佢係鯨鯊丫嘛，仲唔係野獸?幾襯佢呀」
 
「你咁講，怕唔怕行唔出學校門口呀?」
 
「傻啦，妳地學校嘅逃生路線，我熟過妳地多多聲啦」
 
係佢談笑風生期間，Miss Cheung同我講學生會有人搵我，所以我就行左出去
 
點知…成個你問我答都係Miss Cheung做幕後
 
我一行到去學生會果到時，我已經俾佢地捉住左
 
「丫，Ethan呀，你頭先咁樣話Handsome and the beast丫」
 
「係呀」




 
「咁你驚唔驚架?雖然佢係學校出哂名係好人，而且冇人見過佢發脾氣，真係好似天使咁，不過你咁話佢，你怕唔怕架?」
 
「我一D都唔會驚佢」Ethan個樣仲串串貢咁
 
「咁呀…剛先你就幫我解答左女校對男校嘅謎團啦。而家就到我地女校解答返男校對女校嘅錯誤。」
 
「咁我走得啦?」
 
「咪住…唔好走住….」Ethan其中一個同學上左台上
 
「乜係你呀陳生?」
 
「係呀，我今日係你問我答嘅男mc」
 




佢坐好左之後「我地派出左你呢位全級第一嘅同學啦。而且你同英華咁有淵源啦。咁我地兩間學校就決定唔好俾佢停啦好嘛?」
 
「好呀!!!!!!!」現場又再次起哄
 
「我地有請第二位嘉賓!!!!妳地英華女校嘅全級第一!!Head prefect!!!Natalie!!余家琪同學!!!」