我是一個學界的灰姑娘: 121. 到達日本啦

大約5小時飛行，我地到左東京
 
落機前我不忘伸個懶腰，到拎哂行李果時，我先知原來我地仲未到東京。
 
因為成田機場唔係東京之內
 
「仲要搭一個鐘鐵路?」我仲係矇下矇下咁樣
 
「係呀家琪，呢到係千葉，我地搭成田特急列車去新宿」程機長向我解釋
 




「妳可以見到日本鄉郊嘅一面啦」
 
我地買左特急車票，一出月台
 
立即有陣寒風吹過黎，好彩我著左羽絨。不過浩揚佢竟然同我講
 
「唔係好凍者」乜野叫唔係好凍!?4度咋!!!!
 
「4度?我都冇著大羽絨」浩揚笑笑口咁望住我
 




「冇著大羽絨??」
 
「我著左件Heat tech底衫同背心，再加件長袖衫同埋一件軍褸，最多袋定件羽絨背心
 
「你唔覺凍架?」
 
「真係唔太，而家有太陽ok啦，入黑先凍」
 
我望下浩翹，佢仲可以著件短袖衫行黎行去，Miss Lam同小敏姐就追住佢叫佢著衫
 




上到車，原來有暖氣
 
我望見窗外景色，正如機長所講，真係一片鄉郊一樣
 
當機長行過Ethan身邊時，佢遞左盒野俾Ethan，仲叫佢小心d
 
我望下…原來係一盒Condom
 
「爸爸話俾我同妳同房喎」
 
「我...我同你?我寧願同小敏姐啦」
 
「家姐同浩翹慧思同房」
 
「點解慧思唔係同大白鯊同房呀?」




 
「呀…咁姑姐都要同姑丈…敦倫架嘛」
 
「咁我同小敏姐慧思一間房咪得囉」
 
「傻啦，妳同佢孖鋪咩」
 
「但…但係…咪俾Miss Lam知道我同你…」
 
「所以爸爸咪俾定盒野我囉」
 
「咸濕仔!!」
 
列車好快到新宿，果時都差唔多黃昏。果然氣溫真係下降得好快
 




Ethan終於加左件羽絨背心
 
我地一行十幾人行到去酒店，我抬頭一睇…嘩…有隻哥斯拉呀
 
分好門卡後，我地各自去自己房
 
Ethan一關埋門，插好匙卡拎電後就立即推我落床
 
「喂呀…涼又未沖...咁快就…」
 
「妳諗咩呀…我試下張床軟唔軟咋，都還可以啦」
 
我坐返起身「但係怕唔怕唔舒服呀?你瞓慣硬床」
 
「同妳一齊瞓，唔怕」




 
我推開佢「死變態佬」
 
十分鐘後，大白鯊嗌食飯
 
第一晚係去食sabusabu，即係日式火鍋
 
我地分左兩檯，大人一檯，小朋友一檯
 
我照顧慧思之外，Ethan都幫我整野食

「慧思，妳想食咩呀?」
 
「家琪姐姐妳唔洗咁照顧我喎，有Clodulf佢係到咪得囉」
 




「喂，大家都係巨鯊幫，唔洗咁客氣喎」
 
然後Ethan淥好牛肉後，再餵我食
 
Sabusabu同打邊爐差唔多，我地檯雖然只有兩個男仔…不過食量就…
 
「牛お願いします」小敏姐加孖女嘅戰鬥能力係唔可以睇小，再加埋Ethan，真係可以食哂所有牛
 
但估唔到，慧思食量都唔差，佢一個人可以食好多
 
原來我嘅食量已經係最細
 
我就好似坐左係大食會之中一樣，牛…特別係牛不停上
 
最後我地索性一人拎住一碟牛就算