我是一個學界的灰姑娘: 119. 第一次去機場

聯歡會過後，我拎左野返宿舍再執好行李，跟Miss Lam返屋企
 
然後按計劃返宿舍做冬，第二日去校長屋企做冬
 
第二朝一早，我係Miss Lam屋企欣賞佢地三姊弟爭廁所奇景
 
本來浩揚已經入左去，點知佢俾小敏姐一手扯左出黎，浩揚心有不甘，攬實小敏姐條腰唔俾佢入廁所
 
「妖!!!放開我啦!!!你去攬家琪啦!!!」
 




「唔得呀!!!!妳多D脂肪呀家姐!!!」
 
「吔屎啦你!!!!」
 
係佢地兩個爭持不斷期間，浩翹鼠左入洗手間
 
不過佢又俾Ethan同小敏姐一齊捉返出黎
 
佢地由洗手間退到去大廳，而我就慢慢行去洗手間，關埋門，慢慢刷牙
 




之後佢地一齊拍門
 
「家琪呀!!!俾我用先啦」
 
「大家都係女仔，我同妳一齊用冇問題架」
 
「家琪姐姐，俾我入去啦」
 
睬佢地都傻，我搞掂哂後快門行出去
 




佢地又爭過。最後用洗手間次序：1. 小敏姐，2. 浩翹，3. Ethan
 
大家爭完洗手間，程機長就叫車
 
我地一行6人，加埋大白鯊一家三口，機長叫左部車，另加3部的士入機場
 
去到機場果時，已經見到孖女一家四口等緊
 
寄行李，然後我地去飲茶
 
其實我咁大個女真係第一次黎機場，所以我四周圍望
 
「家琪姐姐，妳第一次去日本?」慧思依舊係我隔離
 
「我第一次搭飛機添呀」




 
「我係第一次去東京，唔知好唔好玩呢?」
 
「妳第一次去?妳唔係應該去過好多次旅行咩?」
 
「Daddy邊有時間丫…」
 
「妳有冇同daddy講，唔想去英華呀?」
 
「冇呀…我唔敢講」
 
「我一陣陪妳去講丫」
 
「姐姐妳陪我去?」慧思碌大雙眼
 




就係我地去候機室果時，慧思帶我去李SIR到
 
「李sir….慧思佢…最近有d問題」
 
李sir果然好錫個女，一聽到慧思有事就立即彈起身
 
「佢咩事呀?」
 
「呀….大…Miss Cheung好似強行將慧思安排出年黎英華到讀…不過慧思好唔想，果日聯歡會果時，佢趁Miss Cheung行開果時同我地成班講」
 
「咁呀…慧思妳真係唔想返英華到讀呀?」
 
「咁我全部同學約好哂一齊返中學部到讀…無啦啦要我一個人離開，我唔制」
 
「其實李sir，如果慧思黎左英華，佢6年黎都係校長同Miss Cheung保護傘下…佢可能唔識長大」




 
李sir諗一諗「其實我都明白，但係詩敏當阿女係寶咁睇，佢一定會將佢覺得最好嘅野俾哂妳」
 
「但係daddy呀….你連成個入境處都管到，就係管唔到媽咪呀?我唔想好似家姐咁樣呀」
 
「點同呢?當年係大伯搵妳媽咪同婆婆幫手推妳家姐入去讀」
 
「咁家姐辛唔辛苦丫」
 
「咁慧賢真係讀到差d跳樓嘅」
 
「果陣家姐咪又係唔想入去，大伯迫佢入，家姐6年黎都唔開心」
 
「咁我幫妳問下有咩辦法先」
 




「李Sir…有方法咩?」
 
「呢個人，一定有方法。跟我黎丫」
 
我地跟李sir去到程機長身邊