我是一個學界的灰姑娘: 109. 新相識嘅朋友

「喂Alex!!!」
 
「hello呀Natalie」
 
「我咪同你講左放學去持Notes囉，你做咩無啦啦走上黎?」
 
「我地成班落去食飯，咁順便幫妳地拎埋囉」
 
你都好順便下喎，我地學校交通咁唔方便
 




「唔該哂你地呀」我接手放哂係手推車上邊
 
當我地想返入學校果時，Alex叫住我地
 
「Natalie呀」
 
「係!」我回身望住佢
 
「妳放學有冇時間呀?一齊去搵下pastpaper?」
 




佢咁樣…算唔算約我?
 
「好呀，放學係starbucks等啦」
 
我地推住notes返課室到派，當我坐低時，Evelyn又開始八掛
 
「喂，佢會唔會想追妳呀?」
 
「點解妳咁講呀?」
 




「佢剩係約妳一個喎，仲唔係對妳有意思?」
 
「咁呀….我又應承左佢…無理由放佢飛機架嘛…」
 
「一係我同妳去?」
 
「都得者」
 
「但係Ethan知道會點諗呢」
 
「我同佢報定案先」
 
我立即同Ethan報案，佢知道Evelyn陪我去，佢變得安心好多
 
放學時，我同Evelyn去到starbucks，果時Alex已經到左




 
佢又唔似想追我嘅，係言語之間都好似想識多個朋友咁樣
 
佢仲想約我地d同學一齊黎練Oral
 
係我地搵完Pastpaper後，Evelyn去補習，於是剩低我同Alex兩個人
 
「係喎，妳平時去邊到溫書架?」
 
「我呀?係屋企囉，或者去自修室溫」
 
「西營盤果間?」
 
「係呀，全個中西區得果到有自修室」
 




「妳通常星期幾去?」
 
「唔…唔定架，有時自己去，有時幾個同學去」
 
「哈，咁我下次睇下見唔見到妳先」
 
我地兩個準備行去搭車果時，Alex先問我住邊
 
「下?你唔洗送我返屋企啦，要你專登去英華」
 
「妳唔係返屋企咩，係咪有事做要返學校?」
 
「唔係呀，我住係英華入邊，我媽媽同繼父係駐校職工」我解釋返俾佢聽
 
不過佢一見到有車，就捉左我上車




 
「妳平時咪好悶囉，日日都留係學校入邊」
 
「唔…都唔太嘅，我都會同朋友去街。仲有打排球呢」
 
「妳係排球隊嘅?」
 
「哈哈，你唔好睇我咁矮，我可以跳到好高，我係主攻勢手黎架」
 
「咁我有機會都想睇下妳打排球」
 
我地傾傾下就到左學校，然後Alex就自己返屋企