我是一個學界的灰姑娘: 102. 第一次去校長屋企

係冬至前一晚，我係小敏姐間房係到將我放係Miss Lam屋企果d衫襯黎襯去
 
「家琪妳唔洗咁緊張啦，婆婆又唔會食人」
 
「但係…第一次去校長屋企….妳男朋友第一次去果時點架?」
 
「佢?佢未去過呀，佢連上都未上過黎」
 
「下?未上過黎?」
 




「係呀，不過佢送我返屋企果時見過媽咪之嘛」
 
「點解妳唔帶佢上黎?」
 
「唔啦，佢成日都要幫人補習，佢都冇時間」
 
小敏姐係佢衣櫃搵左套衫出黎隊上我個身到
 
「就呢件啦!襯妳」
 




「但係….」
 
「著啦，我都唔知點解會買左呢套裙返黎，妳係有放平底鞋係我地到嘛?」
 
「有呀…」
 
「咁就得啦，聽晚就咁著去婆婆屋企」
 
「係…」
 




「同妳講聲先，我地會好早去婆婆到陪佢」
 
「冇問題呀，我可以帶功課去溫」
 
小敏姐聽到之後，就拎筒薯片指住我
 
「千祈!唔好!咁做!」
 
「有問題?」
 
「婆婆見到會鬧，佢話去佢屋企果時要開開心心，唔可以帶功課去」
 
「咁呀…」
 
「家琪妳識唔識打麻雀?」




 
「呀….識少少嘅」
 
「邊個教妳架?」
 
「以前係北角…我係樓下舖頭借位溫書時學左d…」
 
小敏姐眼中出現一點光「做得好!夠腳!」
 
第二日下晝，我跟住Ethan一家去校長屋企，話明係校長，住嘅地方一定好大
 
果然…校長係住house，而且仲有車位、有露台之類
 
呢間屋就只有校長同佢先生、同埋佢兩個工人住，而且係校長屋企附近仲有個小小嘅警崗
 




「第一次黎，咁嘅反應係正常」Ethan同我講
 
「果個小警崗唔係為左校長個先生而起嘅，妳放心」
 
「你又知我諗咩嘅」
 
「妳個樣呆下呆下，係人都知啦」
 
程機長泊好部車後，我地一齊落車
 
Ethan捉住我，我地成班細路走去搵校長
 
「婆婆」x3，「校長」
 
其時校長坐係露台到睇緊報紙




 
「呵呵，你地成家都黎啦」
 
係好短時間內，我聽到身後傳黎跑步聲音
 
「陪我玩!!!!」好快慧思就跳左去浩翹背上，然後就見到浩翹俾慧思捉走左
 
我目送佢地兩小口去打遊戲機，校長就叫一叫我
 
「Natalie」
 
「係!校長」
 
「妳有冇帶到功課黎?」
 




諗起小敏姐所講嘅野，所以我今日冇帶任何書黎溫
 
「冇…冇呀」
 
「嗯，做得好，我唔想妳無時無刻都拎住d功課」
 
「校長，其實…我都會有娛樂嘅…」
 
「不過我每次見妳係學校都係拎住d功課，咁樣唔係太好」
 
「知道…」
 
「浩揚你陪Natalie玩下啦」
 
「知啦婆婆」