我是一個學界的灰姑娘: 92. 關於我以前嘅生活

「呀….Natalie，首先恭喜妳地排球隊先，上兩星期成為左學界女排4連霸，妳仲係最後一刻殺出一球好靚好勁嘅波黎打低DGS」
 
「過獎啦妳，個冠軍係全隊排球隊都有份贏，唔係我嘅功勞」
 
「咁以我所知啦，妳之前都係2號位嘅副攻擊手，咁今年改打4號位，有冇唔慣呢?或者有冇壓力呢?始終妳對上一個主攻擊手真係好犀利」
 
「唔…其實我都係放開心情去打每一場波，我都係盡我自己所能去做自己責任」
 
「咁今年晉級之路辛唔辛苦呢?我睇返妳地對賽表，好多都係老對手喎」
 




「今年嘛…我地要淘汰協恩、培道、體藝、真光同嘉諾撒先可以去到決賽，每一場都唔可以掉以輕心。特別16強就對住體藝，果場應該係…仲難打過決賽」
 
「嗯….問完排球隊，咁我問下妳嘅生活先，今年美姐同偉叔結婚喎，妳開唔開心呀?」
 
「咁我媽咪再婚，佢下半生有個依靠，我點會唔開心」
 
「妳係咪好鍾意偉叔呢個繼父呢?」
 
「全校都咁鍾意佢架啦包括我呀」
 




「拿…咁美姐未結婚之前呢，係同妳一齊住學校宿舍丫，咁而家呢?」
 
「而家?媽咪過左A房囉」
 
「咁妳自己一個人住呀?」
 
「我一個人住B房呀，冇所謂架，反正個大廳係共用」
 
「咁一個人住嘅感覺係點呀?」
 




「舒服到可以打筋斗」
 
「咁妳生活都好開心喎」
 
「咁當然啦」
 
「有同學話呢…妳搬黎宿舍之前…」
 
原來佢地想問我以前生活
 
「係呀，我爸爸係我…小學三年級果年過左身，咁我同媽咪兩個人就由天台屋搬去劏房。平時有時間我地就執爛鐵廢紙去賣」
 
「咁希望妳唔好介意啦，當時妳爸爸係咩事離開妳?」
 
「我爸爸嘛….係血癌。當時發現果時係第三期。我屋企又冇錢，佢只可以靠公立醫院醫佢。果時佢老闆好好人，資助爸爸睇醫生。當爸爸走左之後，我同媽咪連殮葬費都冇，老闆同一班工友班我地出錢，我爸爸先可以舒服咁離開」




 
「果時生活係咪好辛苦?」
 
「夏天三十幾度果時妳想像下…得把風扇然後放學返屋企只係做功課，冇任何娛樂嘅生活，仲要去執野賣喎」
 
「咁當時係唔係妳自己向校長求救呢?」
 
「當時呀…F.1有一日我媽咪返工果時暈低左，咁Miss Lam就搵佢爸爸同埋先生車我去醫院瞭解情況」
 
「然後呢?」
 
「然後媽咪出院後一日，校長佢登門探訪，想瞭解多d我屋企嘅事。然後就請左媽咪黎做校工」
 
「咁兩位老師又幫左d咩呢?」
 




「唔…Miss Cheung就將佢d英文小說借俾我睇，俾少少娛樂我，不過要交閱讀報告。而Miss Lam就去佢爸爸診所到拎藥俾我地看門口，仲有時會睇下媽咪有冇唔舒服果d」