我是一個學界的灰姑娘: 84. 好有性格嘅名

「應該係啦，爸爸真係最錫家姐，就算我地兩兄弟出世後，爸爸仍然咁錫佢，錫到我地都有D羨慕。不過媽咪又錫我地多D」
 
「咁你個名呢?邊個改架?」
 
「媽咪改架，本來爸爸想我叫個更加威猛嘅名，但係媽咪唔肯」
 
我好期待程機長會幫Ethan改咩名，所以我不停咁煩住佢
 
「黎啦，講我知啦」我不斷揈住佢隻手係到講
 




「點解咁想知呢，最後我都冇用到」
 
佢點都唔講我知，所以我又嘟長個咀扮嬲
 
「家琪呀…做咩呀」
 
「咁我真係想知嘛」
 
佢見我咁堅持，由堅尼地城海邊堅持到西營盤半山，佢終於肯講我知啦
 




「爸爸本來想叫我做耀揚嘅」
 
耀揚?咁有型嘅
 
「不過媽咪覺得個名太有性格，所以改做浩揚」
 
「但係你而家都好有性格呀」我笑住同佢講
 
其實佢真係幾有性格，佢上堂果時真係話瞓就瞓，特別係通識堂。佢真係可以瞓足一堂
 




「我好有性格咩?」
 
「你係英皇唔係咩?成日拎住人人有功練去呃錢」
 
佢有D尷尬咁講「咩呀…而家邊到有呀…人人有功練俾訓導破左功啦」
 
「你果時做咩呃人錢呀?唔乖呀你」
 
「咩喎…咁果時同…果個洗費大嘛…咁咪向D同學埋手囉」
 
「你係指…Fiona?」
 
佢點一點頭「嗯」
 
「咁我洗費係咪仲大?」我真係有d擔心佢




 
「唔係架，妳同我住得唔算遠，唔洗過海。而且妳又成個慳妹咁樣，幾好，賢妻良母型」
 
聽到佢咁話我係賢妻良母，我開唔開心?當然開心啦，真係由心笑出黎添呀
 
「咩喎，我細個捱慣丫嘛….慳d唔好咩」
 
「我冇話唔好呀」
 
「其實呢…我有D想出去幫人補習」我真係諗左好耐架啦
 
「妳分配到時間?妳仲要排球隊練波喎，而且下個月就學界比賽」
 
講起比賽，今年係冇小敏姐佢地帶領下出戰學界，而我地排球隊亦進入青黃不接時期。戰力一定仲有，不過要培育新人就比較麻煩。
所以我呢個副隊長幾頭痛下




 
「唔…我都係考慮下者」
 
「妳遲D比賽，我會黎睇」
 
「真係?」聽見佢黎睇我比賽，我覺得好開心，不過我再諗一諗
 
「喂…你有目的嘅」我好奸咁望住佢，而Ethan都開始口窒窒
 
「邊邊邊有呀…我…我好鍾意睇妳打排球」
 
「係咩?咁平時星期四練波你又唔黎嘅?你可以係英華自出自入架喎」
 
「咁…咁一個男仔唔好嘛」
 




「有咩唔好呀?全校都知Miss Lam係你媽咪，大白鯊係你姑姐，校長係你婆婆啦」
我撓實雙手望住佢
 
「即係呢…呀…」
 
「你想睇我地成班女仔著波褲!!!係唔係!!!!」
 
「係…係囉」
 
我好肯定，因為佢收埋好多av係排球裝系列
 
「死變態佬!!!」
 
佢攬住我講「只係想睇妳咋」
 




聽到佢咁講，我個心又甜一甜「算你啦」
 
正當佢想錫落黎果時，我又推開左佢
 
「呀…唔俾人錫呀?」
 
「係學校門口呀…我又著校服」
 
「唔制」
 
佢捉住我隻手就咁錫落黎，我有少少反抗，但係好快就停低
 
我地只係錫左幾秒，但係都好開心
 
「你快d返去啦，開始涼啦」
 
「知啦，管家婆」