我是一個學界的灰姑娘: 71. 腦轉數超快的小朋友

「Na….Natalie姐姐」我聽到佢叫我，所以我立即彈起身
 
「浩翹?你好d未呀?氣管點呀?」
 
「鬆哂啦，冇咩事」
 
「你嚇死姐姐啦，我睇下你先」
 
「姐姐，我有D餓」
 




「等等，我叫醫生黎先」
 
Houseman幫浩翹檢查完，就幫佢除左氧氣罩
 
我扶佢慢慢起身
 
「我媽咪煲左粥俾你」
 
「唔該姐姐」
 




我慢慢餵佢食粥
 
「你慢慢食呀」
 
「唔?阿哥呢?」
 
「佢去左買野食，好快返到」
 
五分鐘後，浩揚返到病房，仲拎住外賣俾我
 




此時，我坐係床上同浩翹一齊食野
 
忽然…浩翹係到細聲嗌浩揚
 
「阿哥…護士站企係到果個…」
 
「唔…收到」
 
佢地兩兄弟一齊望出去
 
原來!!!呢對咸濕兄弟係到望護士!!!!
 
識得望女仔，即係好返啦?!
 
「浩翹，病就唔好望女仔啦，慧思頭先喊得好犀利呀」




 
「咁…佢喊係佢嘅事….我又…唔…」
 
「你鍾意慧思係唔係?」
 
佢面紅紅咁點左下頭
 
「咁想唔想我同慧思講妳望女仔?」
 
佢擰頭
 
「咁乖乖地啦好嘛」
 
「姐姐…妳點會知道…」
 




「你每一次見慧思果陣，個樣係好開心囉」
 
「呀….其實呢….就….」Miss Lam呢個心肝寶貝真係好怕羞下
 
「上次你係我課室果到，你出賣左自己啦，咁聽Charlotte話」
 
「咁…聽女仔話係應該嘅…」
 
「又唔見你阿哥會聽我話，而家仲係我面前望女仔」
 
「係英皇嘅老毛病，不過阿哥真係好錫妳喎姐姐」
 
「邊…邊係呀…」輪到我俾呢個小朋友玩返轉頭
 
「阿哥借個人人有功練俾妳果一日，我就知道妳會做佢女朋友」




 
講起人人有功練，我真係唔知佢來頭，所以我就乘機問Clodulf
 
「個箱….係咩來頭?」
 
「個箱呀?唔…..有冇可樂?」
 
果然係兩兄弟!!!一樣咁鍾意飲可樂!!!!
 
我拎出一枝好凍嘅可樂俾Clodulf，佢飲左一啖，噴出啖氣之後
 
「個箱呢，係姑丈送俾佢，果陣姑丈叫阿哥幫手瞞住姑姐買新機，就叫阿哥幫佢儲住錢先」
 
「之後呢?」
 




「阿哥當然係企係姑姐果邊啦，出賣姑丈會得到姑姐嘅獎金，從此之後，阿哥都會拎呢個箱去賺錢」
 
「點賺呀?」
 
「佢試過拎呢個箱係學校收錢賭波」
 
「學校冇發現咩?!」
 
「有呀，之後咪見家長囉」
 
「但係Miss Lam應該唔會咁易就放過佢喎」
 
「所以佢咪搵婆婆囉，婆婆最錫我地」
 
「校長去幫Ethan?」
 
「係呀，所以英皇咪唔追究囉，但係個箱唔可以再帶返學校」
 
「咁點解…」
 
「果個箱幫阿哥賺唔少錢，佢當係寶黎，所以佢肯借俾妳地班用，就知道妳地班上一定有佢心上人，而妳黎得我地屋企食飯….」
 
「果…果時未係架…..」講真，Clodulf個腦轉數真係好快，佢比小敏姐更恐怖
 
「但係我冇估錯呀，阿哥真係鍾意妳呀」
 
「唔…唔講我啦，你同慧思又點呀?就升中學啦，你會唔會同佢同校?」

「佢想揀大坑真光，我點入?」
 
「咁佢係真光小學，好正常者」
 
「不過姑姐想佢揀返英華」
 
「咁你呢?」
 
「我?我揀聖類斯又得，跟阿哥返英皇又得….不過呢….」
 
「不過咩先?」
 
「如果慧思真係揀大坑真光….我就會去皇仁」
 
「點解呀?皇仁喎，你話入就入咩」
 
「咁…皇仁又係大坑嘛…..」
 
呢個小朋友，真係俾大白鯊個女迷到暈陀陀啦
 
「咁我知啦，你想近慧思呢?」