我是一個學界的灰姑娘: 63. 原諒左佢啦

去到Miss Lam屋企，Ethan換返套衫，我先知道小敏姐郁手好重
 
Ethan真係瘀左幾攤，所以我係佢打波個袋到拎左枝按摩膏幫佢摔下
 
然後，小敏姐入黎。佢扔低左枝安美露
 
「小敏姐…呢枝?真係?」
 
「佢唔搽點散瘀呀?雖然佢聽日返到英皇上PE果時實俾同學見到佢成身瘀哂」
 




「家琪幫我搽啦」
 
「真係?呢枝野遇強愈強喎」
 
安美露搽左真係好似火燒咁架，但效果非常好
 
我係浩揚身上幫佢搽按摩膏同安美露
 
10分鐘唔洗，已經聽到佢嘅慘叫，睇緊小敏姐姐打到佢好傷
 




係食飯時，Miss Lam聞到好大陣按摩膏味
 
「邊個搽按摩膏呀?」
 
然後好多隻手指住Ethan
 
「阿仔你搞咩呀?」
 
「呀…」
 




係檯底，小敏姐姐用腳趾係到搣浩揚小腿
 
小敏姐姐意思係：你試下報串?
 
「媽咪呀，係學校打波衝撞太勁，家姐同家琪幫我搽按摩膏者，冇咩野」
 
「你真係整親就話俾阿姨知道啦」
 
「唔洗啦媽咪，唔好煩到阿姨」
 
「總之你小心d啦，唔好要家姐同家琪擔心你」
 
家姐望住Ethan講「記住呀，家姐好擔心你架」
 
我幫浩揚倒左碗湯「你飲下湯啦」




 
「唔好啦」佢真係唔鍾意飲湯
 
然後…小敏姐姐再用腳趾夾Ethan小腿
 
「飲!!我飲!!!」
 
Miss Lam果然係冰雪聰明，原來佢一早就知道我地兩個鬧左交
 
「浩揚家琪，你地因為咩事鬧交?」
 
我地兩個好尷尬咁低頭，我揈下佢隻手，叫佢講
 
「媽咪…係…Fiona突然間黎學校搵我……俾家琪見到……所以…」
 




「所以你今日就黎搵家琪，然後俾家姐打左一身係唔係?」
 
「呀…係…」
 
Miss Lam望住小敏姐姐
 
「小敏做咩打到個細佬咁傷?」
 
「鬼叫佢咁對家琪咩」
 
Miss Lam望實浩揚
 
「再有下次，難保婆婆唔會拆散你地兩個呀」
 
「係…」




 
Ethan送我返屋企果時，我緊緊咁拖實佢，將佢拉去我身邊
 
「家琪呀…妳捉到我好實」
 
「唔捉到你實一實…點知你會唔會走左去架」
 
「妳咪咁擔心啦」
 
「唔擔心就假…」我d眼淚又出黎啦
 
「妳…唔好喊住先，做咩呀傻妹」
 
「點解佢會返黎搵你架!!佢黎做咩呀?」
 




Ethan有D尷尬咁樣望住我
 
「佢…真係想復合嘅…」
 
「咁你點答?」
 
「我咪話我已經有個好好嘅女朋友，叫佢死左條心佢」
 
「然後今日呢?」
 
「佢仲係黎煩我，咁當時家姐又打電話黎，我咪話要接妳放學，所以佢就搭車上黎，話要睇下妳」
 
我摸一摸佢D傷口
 
「仲…痛唔痛呀?」
 
「少少啦，家姐出手好重」
 
我攬到佢實一實
 
「做咩呀傻妹」
 
「怕你走左去」
 
「得啦得啦，留係妳身邊啦」
 
「你係先好講呀」