我是一個學界的灰姑娘: 53. Miss Lam同意啦

「浩揚!!!你同我坐過黎!!!」來者正是姑姐
 
我坐低係媽咪、姑姐面前，佢地身邊有家姐、細佬同慧思係到
 
「浩揚你飲左碗藥先啦」一向溫柔嘅媽咪叫我飲藥
 
我聽媽咪講，飲左碗藥後就望住佢地兩個
 
「浩揚，你同家琪拍左拖幾耐?」
 




「我同佢拍左一個月拖」
 
「點解你有咁多女仔唔揀，係要揀家琪?佢係我同姑姐個學生黎架嘛。唔係有個聖士提反嘅女仔同你好傾得埋咩?」
 
「媽咪呀…果個係我同學個妹黎架」
 
「但係你追家琪之前有冇諗過咁樣會影響到好多人?」
 
「我同家琪又唔係搞d咩出黎」
 




「你由細到大就係咁樣，鍾意做就做。余家琪係媽咪同姑姐學生，你同佢拍拖會招黎閒言閒語。媽咪同姑姐唔緊要，但係家琪呢?佢已經受到婆婆照顧住係宿舍」
 
「咁樣又點呢?只要媽咪同姑姐妳地公平公正就得」
 
「你唔怕佢俾人話用手段拎到內幕，所以成績先咁好咩?冇錯，家琪係學校係好受同學歡迎，但總係會有人眼紅佢架嘛」
 
「咁信果d人咪無腦囉。家琪有邊次測驗考試唔係全級第一?果時我都未同佢拍拖喎」
 
我咁樣講，媽咪反駁唔到我
 




「但係浩揚，婆婆未必會俾你同家琪來往」
 
「咁學校有咩權力去干擾學生私生活?而家係我同家琪都讀到書，成績冇任何退步」

 「點解你一定要揀家琪?你答唔答到我?除左佢生得靚之外」
 
「媽咪，妳應該好了解家琪。佢心地善良，樣樣野以佢媽咪行先，又有孝心。而且佢應承婆婆d野全部做到，又肯吃苦。而家呢d女仔仲去邊到搵?」
 
「咁樣…我都承認家琪係好女仔…」
 
「佢F.1果時俾同學欺凌，仲可以原諒同學。妳話佢呢D女仔係咪同恐龍一樣已經絕種?」
 
姑姐見媽咪講我唔過，就代媽咪繼續問
 
「浩揚，你要知道婆婆對家琪好有期望。你都知道佢由細到大同你一樣，想做個醫生，可以好好照顧美姐」




 
「我知呀，所以我咪打算同佢一齊努力」
 
「咁樣…」
 
「浩揚，你係咪一定要揀家琪做女朋友?你地兩個只有F.4…會唔會太早…」
 
「媽咪妳咪又係小學認定爸爸，姑姐妳F.3開始同姑丈拍拖，阿姨都係F.2同姨丈拍拖，妳地三個咪又係好好。妳地以為我真係唔知?」
 
媽咪同姑姐聽到我咁講，佢地反駁唔到
 
所以佢地就交俾爸爸決定。爸爸返到之後，媽咪講哂件事俾佢知
 
「老公!過一過黎丫，浩揚搞左件大事出黎呀」
 




爸爸伸個頭出黎「佢今次又賺左幾多?」
 
「唔係關於賺錢架」
 
爸爸坐低之後，媽咪同佢講
 
「佢而家拍緊拖」
 
「有咩問題?」
 
「問題佢係同家琪拍拖丫嘛」
 
而爸爸嘅答案係…
 
「拍拖咪拍拖囉，同妳地學生拍拖有咩唔好，妳地無時無刻知道佢地兩個情況」




 
「但係老公呀…」
 
「難道妳又想好似上次個培道妹咁，要估下估下，要自己擔心?」
 
「唔係…」
 
「定係妳想個仔同男仔拍拖?」
 
「唔…唔可以…」
 
「老婆呀…妳咪放手由得個仔同家琪拍拖囉，難得有個女仔會治到浩揚。如果妳同詩敏要分開佢地兩個，妳睇下個女同個細仔，同埋慧思會唔會憎死妳地兩個?」
 
「咁樣…」媽咪面有難色
 




爸爸坐係佢身邊「咁我都知道，個仔同自己學生拍拖，妳會唔知點算。但係萬事都有契媽係到嘛，而且我都會係妳身邊陪妳架嘛。我知道妳緊張個仔同家琪，但係妳要信下佢地兩個」
 
「我唔想家琪咁受矚目呀」
 
「怕咩丫，當年我同妳拍拖，妳都係受全校矚目啦。我同妳日日一齊出現添」
 
媽咪聽完爸爸講之後
 
「好啦，浩揚」
 
「係!媽咪!」
 
「你真係要好好對家琪，而且你地唔可以成績退步。」
 
「知道!」
 
「而且你地兩個都係年青人…對果樣野一定會有好奇…如果…你真係同家琪發生關係…就一定要做好安全措施，知唔知?」
 
「知…知道啦媽咪」
 
「我幫你同婆婆講，佢一定要知。而且我仲要同美姐講，因為家琪係美姐嘅一切」
 
「我知道啦媽咪…我唔會令妳地幾個失望」

Ethan講哂俾我知道後…我再一次攬住佢喊
 
呢個男仔…為左我竟然會咁做。睇黎我真係揀啱左男朋友
 
「傻妹，喊咩呢?」
 
「唔…」我攬到佢實一實
 
「點解你對我咁好呀?」
 
「咁妳係我女朋友嘛，我唔錫妳錫邊個?」