《賈渝，我們在一起》: 第十六章

在步行到地鐵站的途中，賈渝就打了電話給我。然後我們一直聊到十二點幾才睡覺。 

隔天，我倆相約一起上學。途中，雖然我們沒有猖狂得牽著手，但是其他我認識的丶不認識的同學，見到我們都在議論紛紛。 

* * * 

「你尋日就型啦，英雄救美，幫Mandy擋刀喎，洗唔洗咁勇呀?」早會後剛上到課室，旁邊的阿俊便雀躍地講這件事。 

「又係阿玲呀?」此時，我想到的就只有她，學校的「情報員」。 





「咩又係阿玲呀?」阿俊抓一抓癢:「你單野俾人拍左片upload左上youtube啦!」阿俊拿出手機，把片段給我看。

「阿朗，唔好死呀!你死左我點算呀......」片中的賈渝聲嘶力竭地大叫。 

「真係喎......」我感到很窩心，又覺得傷心:「仆街啦!咁呢家咪全校都知道哂?」 

「係架啦情聖。」阿俊嘲笑道。 

* * * 





「大家好，我相信大家對我都唔陌生架啦，望落去只有幾個學生係我冇教過既。咁我都先自我介紹一下，我係蘇Sir。」被警察控告的李Sir當然也被學校革職了，取而代之的是中文科主任，也是我新學年中四時的班主任蘇Sir。 

「正，以後唔洗見到個賤人，唔洗驚俾佢針對。」我自言自語。 

「你又唔好咁話佢。」阿俊突然搭訕:「話哂佢都間接幫左你追Mandy。」 

* * * 

「一齊去食下午茶?」放學的鐘聲響起後，我等其他同學都離開了再問賈渝。 





「我約左姐妹去買野呀......」賈渝指著班房門口，奸笑著說:「況且出面有女仔等緊你一齊放學，你係咪有情債未還呀?」 

我望望班房門口，原來是阿玲在等著我們。 

「咩情債呀? 」我堅定地說:「我只愛你一個。」 

「我講笑咋!」賈渝笑得合不攏嘴，雙手拉了我的臉頰一下:「我趕時間要走先啦!」我們飛吻道別。 

* * * 

「阿朗......」我步向門口，假裝看不到她，結果卻是她先出聲。 

「我已經冇追究你講哂我啲秘密出去架啦!」我憤怒地說:「你仲黎搵我做咩呀!」 

「你係咪已經同Mandy一齊左啦......」阿玲低下頭問道。 





「你自己睇得出架啦!」我追問:「咁又點呀?」 

「如果......如果可以，我希望果個人係我......你......你一定要好好愛護佢......」阿玲抬起頭來，眼泛淚光:「果個朝早你係canteen同我所講既，令我覺得我對佢既愛好渺小......」 

「吓?」 

「你話過你會用心灌溉賈渝呢朵小花，而我只係單純想將朵花摘落黎，獨自欣賞......」阿玲再次低下頭:「你令我自愧不如......」 

一時三刻，我想不到如何回應她，畢竟我沒有想過原來她跟我一樣愛上了賈渝。 

「所以你一定要好好愛錫佢，唔好得個講字!唔係我實打獲你!」阿玲重拾笑容，握著拳頭說。 

「一定!」我伸出尾指跟她勾手指尾。

* * *

原來有一種情感，叫自動退出。 

阿玲把心裡的話說完之後便獨自離開了，而我則挨在走廊的小陽台看看風景丶思考丶聽聽歌什麼的。 

然後聽到這樣的一首歌。 

「我想過一件事　不是壞的事　一直對自己堅持　愛情的意思 
像風沒有理由輕輕吹著走　誰愛誰沒有所謂的對與錯 
不管時間　說著我們在一起有多坎坷......」 

「......別人都在說我其實很無知 
這樣的感情被認定很放肆 
我很不服　我還在想著那件事......」 





* * * 

「陳日朗同學!」我的身後傳來一把聲音，打擾了我聽歌的雅興。 

我轉身望望，想要知道誰叫我的全名那麼生保。 

「原來係校長。」我回答。