毒男的沉船日誌（有甜？超多粗口！！）: 20.天氣不似預期

Wuuu~天氣不似預期，但要走總要飛。

話咁快就到咗十二月，到咗預定好返大陸嘅時間。今次嘅叫雞團，係有我，同帶我下海嘅Dick，兩丁友，方便得來又唔怕會無聊。

旅程嘅第一站，就梗係去廣東啦。歌仔都有得唱啦，『人在廣東已經嫖到失聯』，廣東就係我哋北上尋歡嘅首選。

由於我就好閪醒嘅，揀咗六點半到步嘅航班，預埋佢飛機有少少延誤，到步就八點都未夠。食個dinner，行下街，返酒店就11點，拎D行李出嚟，沖個靚涼，就啱啱好12點。拎兩支啤酒薯片魷魚鬚就開始同Dick少confirm聽日嘅行程，吹完水，飲完酒，一點幾兩點。酒精加疲勞，令到我哋都眼瞓了，一覺瞓醒就11點，完美解決jet lag嘅問題。所以，我就建議咁多位，如果唔想畀jet lag影響旅遊嘅行程，最好就揀晚黑到步嘅航班。

唔知點解，喺我嘅心中，一個long trip嘅開始並唔係離開家門嘅嗰一刻，亦唔係到步嘅嗰一刻，而係到步後嘅第一個日頭。



一早起身，望到周圍唔係熟悉嘅環境，畀到我嘅，係那一剎嘅緊張感，喺0.01秒確定自己係安全，身上冇穿冇爛之後，心中湧起嘅，係興奮。清醒之後，明白到自己放緊假，緊張感冇晒，心入面剩低嘅，就係對未來嘅希望。或者，對於我嚟講，可以每日享受呢兩分鐘，就係旅行嘅意義。

第一日嘅行程，就梗係去完成嗰堆人前嘅『行程』。對我同阿Dick嚟講，呢個係叫雞團，對我哋屋企人同朋友嚟講，呢個係探親+遊山玩水團。特別係Dick少啱識嘅女朋友，如果知佢去叫雞，分手就梗了，紐約咁細，你個friend分分鐘就係我個friend，一傳十，十傳百咁，短期內應該就唔會搵到女朋友了。

Dick少叫就叫Dick少，一個咁MK嘅名，但係真人就同我差唔多，同我呢個毒撚嘅分別呢，就係正常樣，唔肥，仲矮過我，都係鍾意睇動漫，打機。所以，佢喺女朋友面前並唔係一個player，而係一個宅男。咁一個毒男同一個宅男出去，就梗係要逛漫展。呢個，亦係我哋第一日，返到大陸真正嘅第一個行程。

大陸漫展同香港動漫節嘅區別，我覺得就係cosplay。大陸每年，好多地方都會有漫展，兼且好多係一年有兩次或以上。睇到嘅cosplay雖然多數都係嗰期流行D咩就cos D咩，但係，真心中意一個角色，cos好耐之前嘅角色嘅，都有好多。重點就係，屌你老味，D女真係多數大波好多，隔條江水，營養差咁多嘅？兼且好多都係唔係好care露出白滑嘅肌膚，見到有好幾個囡囡都大方咁露出自己嘅南半球。不得不插一句，露出南半球嘅衫真係好撚正，好撚咸濕，比其他好多露上半球或者中間嗰D都要正好多，嗰種平時少留意嘅地方，都有種莫名嘅吸引力。唉，睇下香港嗰D，好多就平平無奇，密密實實，間唔中有D正嘅，但係好多露下腳就算柒數。

下晝逛完漫展，晚黑就珠江夜遊，屌你老母，又話廣東冬天唔凍，雖然同紐約比真係非常小兒科，但係，喺船上面吹風，著住件羽絨都真心凍。遊完船河，搭地鐵返酒店叫個外賣做宵夜，第一日嘅行程就結束了。



第二日一早，刷牙洗面樓下早餐，返房叫架車，然後就返鄉下了。