毒男的沉船日誌（有甜？超多粗口！！）: 18.同想像中唔同（最後一章補嘅）

我轉咗身，屌，D光咁燦眼嘅？突然之間，有saxphone純音樂傳嚟。頭先㩒咁耐都冇BGM，依家突然有，唔通係方便part two嘅時候技師姐姐可以細細聲咁呻吟？唔，考慮周到，值得稱讚。

就喺我仲諗緊背景音樂係邊首歌嘅時侯，姐姐就拎住新嘅熱毛巾返咗嚟，將燈光調暗。睇嚟，唔知我ready，姐姐都ready了。又係好似之前咁，敷咗一陣，就換乾毛巾。

按前面呢，就主要都係肩頸位，頭，大髀前面，同手臂。頭先按背嘅時候就係脊椎，大髀後面，肩頸，就冇按手同頭。

就喺我relaxing嘅時候，仲諗緊佢幾時先問我要唔要特別服務嘅時候，個計時器就響咗了。屌？吓？真係正骨？冇㗎啦？唔係嘅，姐姐仲按緊，一陣佢肯定問我加唔加鐘。

姐姐按完我對手之後，就停低咗手。『好了，時間到了，你還要按腳嗎？你朋友好像不按』吓？冇㗎啦？走㗎啦？吓？完啦？我唔係想按腳底喎，我係要按雀仔喎，冇㗎？吓？『沒事，他不按我也不按』



就係咁，人生中第一次揼骨，就係咁完咗。呢個故事教訓我哋，消費前一定要問清楚。我屌你老母，下次你再話揼骨我就老閪都唔會FF太多。一間正骨好人好姐咁叫乜撚柒嘢一見鍾情。唉，呢個世界，除咗自己，就真係無人信得過。咁當然，我就冇柒到問個死肥仔，乜你唔係帶我去揼邪骨咩，咁。唉，自己心邪，就以為人哋都邪，咁係唔啱嘅。

如是者又過咗幾個星期，個死肥仔又問『喂，去唔去焗桑拿？』許？桑拿？今次實死冇生啦。講得出桑拿都知咩事了啊嘩。即使佢唔係88，應該都唔差得去邊。『好，等我去銀行㩒定錢先。』