毒男的沉船日誌（有甜？超多粗口！！）: 16.一見鍾情（補更）

『一見鍾情』Woo，相當吸引嘅名字，另人想入非非。真不愧為雞蟲個仔，揀嘅地方連個名都咁曖昧，不禁另人想同入面嘅技師姐姐們有一場轟轟烈烈嘅愛情。

粉紅色嘅燈光，照著我前進嘅道路，彷彿，從始，我嘅人生，就都會變成粉紅色。推開門，老闆娘就開口了，『撈世(老細），有昴腥熟嘅技師呀（有冇相熟嘅技師）』冇，睇片睇多咗啫，老闆娘冇咁講，佢講粵語嘅時候亦都冇口音，因為佢冇講粵語。

『靚仔，按腳還是按背？』就喺我條件反射，聽到靚仔就想應嘅時候，個肥仔就答咗『按背』。按背好啊，睇住佢出面一排櫈同桶，腳底按摩呢就肯定係喺大堂，咁又點可以幫客人嚟個雀仔按摩呢？話時話，冇客嘅？雖然依家凌晨兩點啫，一個人都冇嘅？

個老闆娘望咗我哋兩眼，然後就遞咗件桑拿嗰D衫同褲畀我哋。講真個老闆娘又幾犀利，一眼就睇得出我係要着美國嘅L碼，個肥仔要着美國嘅XL碼。接過衫之後，肥仔熟手咁喺牆邊攞咗支礦泉水『喂，攞支水呀，一陣口渴啊』然後就帶咗我入更衣室。

呢個更衣室又真係犀利，好L大下，應該有成間舖三分一咁大，雖然間舖就好似唔係好大。一入去就係兩邊嘅鞋架，一邊有十幾對拖鞋咁啦。入少少，門口正對著就係一面凹字型嘅locker，大概就20個櫃咁？locker兩邊都係淋浴，左邊就得兩格，有隱蔽性，單人嘅，再左就係牆啦，右邊就係兩排，一排企到五個人咁上下，冇隔住，得幾個花灑喺牆，幾支沐浴露喺地下，再右手邊係一個細細哋嘅桑拿房。



成間舖得一個更衣室，仲好明顯係男更衣室，唔，呢間嘢，好邪下喎，嘻嘻。個名仲要係『一見鍾情』，仲唔係畀客人同技師可以『自由戀愛』？

嗰晚好似就係得兩個技師，個肥仔沖涼着衫快過我，就出咗去，揀咗技師先。屌，咁急托咩，冇人性，唔等埋，又唔畀我揀先。唉，好彩，剩低嗰個技師好似都還好，唔係肥嗰種，三字頭咁？樣就，一般？唉，唔緊要啦，我要求好低嘅啫，最緊要走肥。

『這邊，第二間房就是了』個技師一見我入咗房，就閂埋門，但係呢，佢人就仲喺出面，好似要攞嘢。唉，唔知要等幾耐。