毒男的沉船日誌（有甜？超多粗口！！）: 1. 一切的開端 （前言？）

機師，人如其名，係一個打咗十年飛機嘅專業飛機師。雖然佢只係得廿四歲，但係佢嘅性知識可以同超過四、五十歲嘅成人用品店主相媲美。佢，淫蕩中帶點害羞，成熟中帶點天真，自信中帶點懦弱。
毒撚又點會有咁多朋友，毒撚對一個人咁了解，嗰個人就只能係佢自己。冇錯，我就係機師。
轉眼間，自己已經24歲，移民到美國，都差不多有十年。十年間，我改變嘅就只有容貌同身形，從一個百六磅嘅肥仔，變成一個兩百磅嘅死肥仔，從相貌平平變成一個猥瑣阿叔，身高無變過，JJ size冇變過。一直以來，就只能靠一份最低工資嘅工作維持生活。
懷念美好高中兩年，高中嘅我有幸哋死纏爛打識到一個女朋友，但係好景不長，呢一段轟轟烈烈嘅愛情，只係維持咗兩個星期唔夠。雖然只有兩個星期唔夠嘅時間，但係『女朋友』嘅小饅頭都係逃唔出我嘅魔掌，畀我瘋狂哋搓圓㩒扁。世人都說，一段感情會使人成長。還記得『戀情』結束後，我問佢，我有咩改變，佢就話『你咸濕咗囉』『吓?就咁?冇啦?』『冇啦，你淨係識咸濕我，其他人哋拍拖會做嘅嘢你都冇做過』
諷刺嘅係，雖然我揸過當時女朋友好多次，攬都攬咗好多次，而家我仲記得一手揸晒，sor，係摸晒，因為太細揸唔到嘅小饅頭同結實pat pat嘅手感，但係，我嘅初吻直至多年後都未曾離開我。或者就係因為咁，多年後嘅我，先會沉船。