[hehe] [BL] [校園] 後備情人: 第十章

第十章
 
那天晚上，不知什麼原因，在宿舍飯堂吃過晚飯後，沒有如Howard所計劃的吃糖水，而是直接到其房間看電影。
 
我：「我返房擺低啲衫先，陣間再過你度啦。」
Howard：「嗯，轉頭見。」
 
George沒說話，但向我做了個口型，類似說「WhatsApp」。
 
果然數分鐘後，我才剛回到房間，就收到George的私訊。




 
George：「今晚我使唔使中途走開比你哋獨處？」還附上一個奸笑emoji。
我：「喂呀。」
George：「佢頭先好關心你喎，有無暗爽先？」
我：「比佢嚇親多啲囉，Eddie成個人呆咗。」
George：「我都呆咗下，條友唔知痴咗咩線，但代表佢好重視你囉。」又一個奸笑。
 
我沒有再回應他。雖然George說得很合理，但想深一層，這只代表他當我是個好朋友，我還是不要自行演繹得太多。
 
當我執拾好要洗的衣服，準備離開房間的一刻，那個不常在房間出現的室友Herman就開門進來。




 
Herman：「你出去？」
我：「係呀。」
Herman：「哦，係咪去食糖水？買比我呀。」
我：「唔係呀，過個Friend間房咋。」
Herman：「哦，好啦。」
我：「咁我行啦。」
Herman：「Kyle！」
我：「做咩呀？」
Herman：「記得做足安全措施喎。」面上露出一副狡猾的表情。




 
我大聲說了句「痴_線」之後便頭也不回地離開房間，暗中再咒罵那個亂說東西的室友（心裡卻想他說的事成真？）。
 
我慢慢地走到黃堂宿舍大樓。雖然已入住宿舍三個月，但原來這是我第一次走到這大樓的樓層，此前我在宿舍的日子幾乎都在自己藍堂大樓，即使與George和Howard有多熟稔也好，也未層到訪其房間，他們也沒有來過我的房間。
 
走到Howard的802房間，我敲敲門，心想住在同一棟的George應該會比我早到吧。
 
聽到Howard大聲說：「入嚟啦Kyle仔」後，我推門內進，卻發現房內只有Howard一人。
 
我：「咦，George未到嘅？」突然二人獨處一室，我有點不知所措。
Howard：「佢話整少少嘢先上嚟喎。我哋睇住先啦，唔使理佢。」
 
George很明顯是讓我和Howard有獨處的空間，心想這招也太絕了吧。
 
我：「係喎，你roommate呢？」我隨便找些話題說，希望減少尷尬的空間。




Howard：「佢逢星期五晏晝就走架啦，呢排仲要成日唔喺度，話喺hall太嘈溫唔到書喎。」
我：「哦，原來學霸嚟。」
 
很快Howard就開了一套台灣的青春愛情電影，然後將其室友的椅子拉過來他旁邊，請我坐下。
 
電影開始了約十五分鐘，房間除了電影的對白和聲效外，非常寧靜，我們兩人都沒說什麼，很像真的進入了戲院般，場面其實有點尷尬。
 
見George還沒來，我便開口說：「係喎，George仲未嚟嘅？」
Howard：「我call佢囉。」他便拿起電話，直接致電。
 
幾秒鐘後，他對我聳肩：「無人聽喎，唔好理佢啦。」
 
我無奈地點頭，繼續坐在他的旁邊看電影。
 
又過了十多分鐘，George還沒有出現，但Howard無意再找他。突然一陣冷風吹過，我感受到一陣寒意。




 
Howard：「喂，不如喺床睇啦，有得冚被。」還未等我回應，便拿著手提電腦就走上床。我呆坐在椅上，面上又開始泛紅。