[hehe] [BL] [校園] 後備情人: 第七章

經歷幾分鐘的安靜後，Ben率先開口：「比佢IG嚟睇下。」
 
我開了Howard的IG，然後將電話遞給Ben，過程中繼續默不作聲。
 
Ben接過我交給他的電話，擦了兩擦，然後遞回給我，補了句：「又幾靚仔嘅。」
 
我望向他，嘗試了解他說這句話背後的意思。
 
他見我一直沒有開聲，或許看穿了我的心思。
 




Ben：「放心喎，我OK喎。」
我細聲說：「真係？」
Ben：「係有少少驚訝嘅，但我點都會支持你架喎。兄弟嘛。」
我：「多謝你。」此時我已感受到自己眼泛淚光。
Ben：「埋單先啦，一路行一路講。」
 
離開餐廳後，我倆沿著大街一路走。
 
Ben：「咁..佢係唔係？」
我：「唔知，應該唔係掛。」




Ben：「應該？」
我：「佢應該當我普通朋友、U Team隊友啫。」
Ben：「哦，U Team識，好似有啲熟口面。」
我：「我初初見到佢嗰陣都咁覺得，但又諗唔到幾時見過。」
Ben：「你幾時發現自己鍾意咗佢？」
我：「上星期啦，然後我成個人就好亂。」
Ben：「亂？」
我：「嗯，唔知自己想點。又想見到佢，但又驚佢知我鍾意佢，到時連朋友都無得做。」
Ben：「哦，咁其實無咩驚架喎。」
我：「下？」




Ben：「你夠唔夠膽表白？」我搖頭。「唔夠膽，咪繼續同佢做朋友囉。可能有一日佢會欣賞你呢？或者其實佢都係個隱藏嘅hehe呢。」
我：「但..」
Ben：「但咩呀，其實你越避佢咪越奇怪。疊埋心水喺佢身邊做住朋友囉。講到底，鍾意一個人，都係想留喺佢身邊啫。」
 
其實，我都摸不透Ben的邏輯，但有一點我明白的，就是：我越避開Howard，他就會覺得越怪，最後可能有更多誤會，連朋友當不成。
 
畢竟，他另一樣說得對的，就是：喜歡一個人，就是想在他身邊，他開心就好。
 
臨別之際，Ben在我身邊說多一句：「自己諗清楚啦，巴打。」
 
慢慢走回宿舍的路上，我一路思考自己想要怎樣。
 
逃避也不是辦法吧。
 
與Ben吃的這一頓飯後，好像想通了一些。




 
約半小時後，我已回到宿舍。當我正準備梳洗的時候，電話鈴聲響起。
 
看看來電，是George。
 
我：「喂？隊長？」
George：「Kyle？你喺唔喺hall？」
我：「啱啱返到。咩事呀？」
George：「Howard問出唔出去食糖水喎？」
我：「er…」
George：「你返屋企休息咗兩日，有無好返啲呀？」
我：「OK呀。」
George：「咁出去食啦，我哋都好耐無去食過嘢。十分鐘後你樓下等。」
 
還未等我回覆，他便掛了線，不給我拒絕的空間。




 
既然選擇不再逃避，那就坦然面對吧，何況也不是甚麼大事。最多，就一直在他身邊，當個好朋友吧。
 
我十分鐘後下樓，還未步出宿舍大樓，就見到Howard和George已在等候。
 
我走到兩人身邊，Howard就馬上搭上我的肩膊，說：「Kyle仔，好返哂啦？」
 
我沒有回答，但心裡感到一陣溫暖，臉上掛上一副笑容。