為了實現媽媽遺願，我成為了女兒國唐僧: K779

然後我褲袋入面嘅電話就喺度震。
我：「乜事呀，唔係諗住同我講唔識打CSS呀？」琴日條友走咗去，雖然未至於懷恨在心，但都唔想佢憎加我嘅麻煩，雖然我都未肯定到露娜對我嚟講算唔算麻煩…
健：「唔關功課事喇，你而家喺邊？」
我：「重喺學校呀，攪乜鬼？」
健：「咁就好，可唔可以…過嚟你樓下謦啲嘢？」
我：「喺電話謦咪得囉，無人偷聽，做乜要我過嚟。」
健：「唔得㗎，你要親身過嚟先有用。」
我：「我重喺學校等緊兩個臭港女呀，同埋我係唔會幫手打架的。」雖然我非常尊敬兩位女神，但係喺兄弟面前點都要加返啲生動活潑嘅形容詞，而我又諗唔到除咗要幫手做架兩之外有乜事係要我親身到現場。
健：「你諗咗去邊呀？總之你重等緊就得啦，快啲過嚟先，最多嘥你幾分鐘。」
出於百無聊賴同埋好奇心，最後我都係答應咗佢…




我諗…佢應該係執到一喼現金，全部都係直版金牛大鈔，但係因為太重一個人搬唔郁，所以就決定分一半畀我，算你係個好兄弟啦，有返啲良心；不過呢啲粗重嘢就無謂搬返去你屋企喇，放住喺我度先，有需要咪嚟搦囉，信我！
去到樓下，我見唔到佢身邊有一個喼，所以都唔使擔心入面裝住嘅究竟係現鈔定人體殘肢定兩樣都有，因為企喺佢隔籬嗰個係欣姐嚟。
我：「兩位別來無恙嘛？開心就得啦，我唔負責勸架…」
欣：「噏乜春呀你，想借你間屋嚟用一陣咋嘛。」欣姐就係直接到爆嘅女中豪傑，今日嘅衣著係珍珠綠色扣鈕無袖有領恤，配一條極深藍低腰中窄下闊牛仔褲，亦露出咗佢少少肚臍，恥骨同上陰阜嘅位置。
如果係易汪咁著，應該實有兩三條毛尖係上面偷走出嚟…
我：「吓，做乜無端端要借我間屋？」正所謂有朋自遠方來，非奸…
欣：「有乜所謂喎，以前佢都成日上你度玩㗎啦。」
健：「係囉，今日…女神佢放學要去幫人補習吖嘛。」先唔計你琴日走咗去攪到我多咗個契妹，都可以肯定你係契弟嚟，日撚日記住QQ個時間表重關心過我，而且我肯定欣姐已經知道晒我同QQ嘅秘密。
我：「你哋上嚟玩唔係問題，但問題係我而家未返得屋企住，所以屋企無人呢…」
健：「你要陪女班長吖嘛，就係知你間屋無人所以先嚟問你借咋嘛，好快，一陣間，保證唔會攪亂。」




欣：「點呀，係咪要你在場我哋先可以嚟玩，我無所謂㗎。」但係我屋企得兩個遊戲手掣咋喎…
我：「咁…敢問兩位想借我間屋嚟玩啲乜呢？」
欣：「係咪要我畫公仔畫出腸呀，梗係扑嘢啦。」
我：「欸…借人哋間屋做呢啲嘢，會唔會唔係幾好呢？」
欣：「有無聽過阻人扑嘢燒春袋呀，乜你忍心咩？」
我：「如果得我自己一個住…就無乜所謂嘅，但問題係而家有第二個人喺度。」