為了實現媽媽遺願，我成為了女兒國唐僧: K691

佢send咗段DIY片嚟…吖屌！有聲嘅喂…中伏！
唔緊要啦，啲打打殺殺嘅卡通有時都係咁嘅聲，瞓先。
到咗第二日，可憐嘅我又要一早返去開門…呢樣嘢對我嚟講先係大懲罰，我寧願佢要我跪喺度幫佢舐蠔殼。
U：「仆街仔，做乜琴日一放學就走撚咗呀？」又唔使妳開門，做乜只係遲我五分鐘返嚟咁大把，顯得我嘅付出十分之無謂。
我：「有嘢做吖嘛，你哋成大班喺度唔輪到我鎖門啦…」
U：「蠱蠱惑惑，肯定又係背住你啲主人出去攬女。」
我：「無呀，琴日真係無…唔好講到我咁風流得唔得，我唔係唔敢認或者怕人講，但無就係無，如果我要嘅話何止攬女，直頭屌埋都得。」
U：「你…講真㗎？乜你唔係單身緊嘅咩？」
我：「係呀…咁朋友都可以做嘅啫，上床做下運動咋嘛，妳未試過梗係覺得天方夜譚，但其實呢啲故事隨時近在咫尺。」例如我都唔知阿健算唔算拍緊拖。
U：「咁你做乜唔去馬？」


我：「哎吔，有得做就要做㗎喇咩，我唔係做愛機器呀，上次都已經放過妳啦，呢排咁多嘢煩，妳不如專心啲練妳嘅音樂日好過啦。」
U：「無呀，覺得你犀利啫，可以隨時搵到女做。」
我：「妳都可以㗎，搵仔上床好易，我都可能幫到妳。」
U：「我屌你呀！」佢又俾我激到變爆粗band友。
我：「講就容易，做埋其實唔難，坐言起行啦，我肉在砧板上，妳想點做都得。」
U：「真係唔打鑊你…呀，有人返嚟唔講住。」
我：「唓，妳唔係惡晒㗎咩，會怕人哋聽到妳講乜咩？」
隔咗一陣，覺得咁同佢講嘢唔係幾好，又唔係YY。
我：「講笑咋，如果做都係同心入面個女仔做最開心嘅，雖然妳咁靚女，我對住妳肯定無晒反抗能力。」
U：「發多啲夢啦，睇下你啲女神幾時會臨幸你。」


我：「無乜希望就唔會失望…係呢，琴日壁報比賽點？」
U：「中四組贏咗呀，不過啲先生好似唔多鍾意呢啲鋪排，只係隔籬幾班啲製作實在太求祈。」
我：「正常吖，佢哋滿腦子都係啲藍天白雲彩虹飛鳥翱翔呢啲，再唔係就乜團結友誼樂於助人咁。」
U：「真係唔實際，去到畢業嗰下咪又係睇成績。」
我：「真係對唔住，我唔係乖學生又無成績，貢獻為零。」就連校際比賽都無，返嚟可以話係純簽到。
U：「係喎，你有好多信，不如拆咗先啦，小心先生忍唔住開嚟睇迫住要鬧你。」
咦，QY兩封嘢我都未開嚟睇，望下入面竟然有六七封。
『你以為自己成班女圍住好撚型？信唔信我揼柒你？』