為了實現媽媽遺願，我成為了女兒國唐僧: K684

我：「欸，學校近期應該無乜特別活動咋喎。」
Q：「開學就派咗㗎喇，你條友唔係當廢紙呀？」
我：「妳話…學童保健？唔係廢紙咁係乜？」
Q：「吓…有無攪錯呀？原來你無諗過要去㗎？」
我：「的確無，又唔係有病做乜要去嘥時間…如果有啲唔妥就話搵政府埋單啫。」
Q：「呵，第時有乜問題，例如脊柱側彎唔好喊。」
我：「吓，我點睇都唔似有呀，乜妳覺得我有咩？」
Q：「我點知喎，我又唔係醫生，呢啲要用尺度㗎。」
我：「吓，咁妳就唔好嚇我啦，我明明就覺得自己好健康，除咗唔夠聰明之外。」
Q：「呢啲嘢邊有得覺得㗎，個身體係會習慣成自然，到你真係feel到唔對路嗰陣通常已經無得救。」




我：「咁…妳真係乖乖女年年都會去㗎？」
Q：「點解唔去呀？都算係政府福利嚟吖，幽蘭每年驗身都用成萬銀㗎，佢小學嗰陣處理過敏反應都用咗十幾廿萬。」唉，十幾廿萬應該夠養晒我整個小學階段咁滯…
我：「但…學童檢查好似要檢查嗰度㗎喎。」
Q：「有乜問題，唔通女人生仔要自己一個匿埋生？」
我：「咁我真係無事無幹嘛…中一嗰陣阿婆帶我去，有個醫生大叔除我條褲摸嚟摸去，之後就無去過。」
Q：「哈，你都怕俾人摸朘？乜佢俾人摸得少咩？」
我：「唔同㗎嘛，嗰個係三唔識七嘅阿叔嚟…」
Q：「你啲思想真係…人哋係攞正牌醫生唔係街邊阿叔。」
我：「妳啱嘅…咁妳去嗰陣都會俾醫生驗…下面？」
Q：「呢啲嘢男女平等㗎喎，唔係你多條嘢就有專利。」




我：「咁…睇妳嘅醫生係男定係女嚟㗎？」
Q：「吖，妳又唔係女仔，問埋呢啲嘢嚟做乜？」
我：「八下咋嘛，大家咁熟，妳都唔係小妹妹嚟啦。」
Q：「啲醫生有男有女，全部都係專業人士，我唔知會唔會盡量安排返同性別嘅醫生，但絕對係有機會出現異性醫生，至於邊個睇我唔關你事，乜你好想大嬸睇你咩？」
我：「呢啲兩害取其輕嘅啫…係咪年年都要驗嗰度㗎？」
Q：「一般嚟講就唔係，逢單數年級先會驗性器官。」
我：「咦，咁OK喎，今年中四去咪可以逃過一劫。」
Q：「你兩年無去，估下人哋會唔會補返畀你？」
我：「欸…到我十八歲嗰陣補返晒啲消費券畀我就得。」
Q：「你真係大想頭，準備定除褲俾人捋包皮吧啦，我就迫唔到你去嘅，如果以後先發現JJ壞咗無女要我會笑㞗你，到時真係笑你無㞗用。」




我：「乜唔係硬到…同射到就唔叫壞㗎喇咩？但講返轉頭點解妳好似咁清楚男仔要點驗JJ咁嘅。」