係同屋失友？定係同居勿友？只想同妳做普通朋友…🤦🏻‍♂️: K593

健：「應該無掛，佢話呢期扑得唔多，學校有啲人事問題，而佢自己識嘅仔都係flirt嚟解悶多，social sex其實好攰，上到床大家又未必想要，就係咁…」
我：「咁佢同你扑又攰唔攰？想唔想要？」
健：「感覺上都OK嘅，呢啲嘢其實我唔太明。」
我：「是Q爛但啦，總之有精出咪繼續往先囉，我都唔識理你，返屋企等你老細返嚟先喇。」
返屋企我就即刻做功課，知道QQ返咗嚟成個人都定晒。
Q：「我返嚟喇…喂，你條友仔攪乜鬼…」大概五點到佢就返到嚟，我即刻衝上前抱住佢。
我：「我…我好掛住妳呀！妳到底去咗邊呀…」
Q：「吓，雞你都好掛住嘅，搵你啲老相好咪得囉。」
我：「我唔敢亂講嘢喇，妳唔好嬲我啦，我知錯。」
Q：「鬼得閒嬲你，我做雞又好，做乖乖女又好，一腳踏幾船又好，都只係需要同自己負責，你唔使擔心我。」




我：「點會，妳明知我關心妳嘅，點解妳會無端端去咗日本嘅？飛過去其實唔平㗎喎，做乜又唔話我知先？」
Q：「我飛過去賣肉點敢話你知呀，唔驚你禁錮我咩？」
我：「妳…講真㗎？唔通…妳有fans喺日本？」
Q：「哎，妳想聽我講嘢就唔好箍到我咁實先，死人頭…日円而家咁平我點會去賣肉呀，同埋我講過要十萬先肯賣㗎，你知唔知而家十萬港子喺日本食到幾多個日本妹？你以為我真係鑲金嘅港女咩！」
我：「點知喎，妳…喺我眼中係鑲金㗎，重係千足純金嗰隻添。」如果迫我用十萬叫雞，最後會點揀呢？
Q：「係呀，咁我過去幾日賺成球啦，重使唔使返嚟同你迫呀，蠢豬。」
我：「嘩，原來妳諗住一日接三四個客，熟該熟該…」
Q：「真係唔打扁你都唔得！重喺度當我係雞。」
我：「唔係呀！對唔住呀…其實…妳係有自由識男仔㗎，不過…我欣賞妳一直都係乖乖女，又唔收兵，所以先咁大反應啫，以後…就算妳變曳我都唔會話妳。」
Q：「我同你講呀，最好我一百%純良超級乖，到時你掂都無得掂我添呀，哼！」




我：「所以少少曳就啱…係嘞，咁妳做乜無端端會去咗日本嘅，為咗散心？咁妳條氣順返啲未？」
Q：「你都short上腦嘅，咁樣快閃幾日貪機票平咩，好攰㗎，我過去係因為爹地搵我咋。」
我：「吓，妳爹地走難去咗日本？唔通佢係山口組成員嚟嘅！」玩過人中之龍就知啲大佬全部係商人或投資者。
然後，佢大概咁講咗畀我聽發生乜事。