thriXt Qantasy 純文字安眠之作 (New: - U2K - 一直上架): K499

點知喺我諗諗下嘅時候，QQ做咗個我完全意想唔到嘅舉動，就係捉起細龜隻手放喺自己心口上面！
嘩！妳攪乜鬼呀？！我真係睇到眼突，妳咁樣唔係重嚴重過送條熱辣辣濕納納嘅原味底底畀佢咩？！定係，好似又差唔多…雖然妳今日有帶Bra啫。
龜：「女王…妳實在太好！妳…係完美㗎！」有波摸下就叫完美？咁我識嘅好多女仔都完美啦！包括韻婷…
細龜隻手唔算太粗魯，只係安份咁放喺件衫上面，輕微移動下同郁下啲手指仔咁，但我可以肯定佢下面已經扯到火山爆發咁滯，連帶條底褲都蘸滿啲白色嘅岩漿，雖然佢而家呢個角度我係睇唔到嘅。
QQ專登唔望住我，其實佢係咪想激我定挑戰我嘅容忍力，只不過我平時送佢出門口畀仔扑咪又係咁，眼不見為乾淨啫…其實唔係，條底褲係有分別㗎…
關我乜事喎，佢係人哋條女嚟，我做乜要幫個唔識嘅男仔守護佢女朋友呢？最好QQ周圍賣大包派福利，就連我都可以食埋一份，等我試下幫手派帽畀人吖嘛！
但如果咁樣，我留佢喺度重有乜意義，不如送佢去幽蘭屋企算，咁我就可以正正經經咁去識女仔，雖然而家嘅我無任何目標…睇住眼前嘅畫面內心真係好煎熬。
明明，我應該係特別嘅一個，係妳唯一嘅普通朋友。
過咗陣QQ終於撩完，佢拍一拍細龜膊頭，細龜亦都好乖咁縮開隻手坐返起身。
龜：「女王…多謝妳，實在係太舒服，妳啲手勢好好，我諗…以後聽到妳嘅琴聲一定會更加美妙。」呀甲殼爬蟲先生，你明知我戴住眼罩睇唔到你哋攪乜，就唔驚我諗錯隔籬你啱啱俾人揼完邪骨嘅咩？




QQ聽到佢咁講又摸一摸佢個頭，然後摺高佢衫袖露出佢嘅手臂，唔通女神妳護士上身要幫佢打毒針？哦，原來唔係，佢開始攞起枝筆喺佢手上面畫公仔；估唔到呢條宅菇轆都會諗埋咁多無鬼謂嘢同女仔玩，唔通係喺啲日系溝女game度學返嚟嘅？而QQ畫嘅嘢就無乜特別，見佢換咗兩三隻色，畫咗一個葵扇Q嘅標誌同埋一隻女仔嘅公仔，我諗細龜一定好想叫女王直接紋上去咁就可以keep成世，為咗留幅名畫喺度耐啲我諗佢呢幾日隻左手都唔使沖涼，而QQ亦好似知道為咗方便佢留起，就畫喺上臂比較高嘅地方，等佢著短袖衫都可以遮得住。
望住細龜傻笑個樣，我實在好想大聲咆哮一句：女並唔係咁溝㗎！但今時今日我又有資格講啲乜？
嚟到最後，就係女王嘅獻奏環節，QQ好努力咁喺度set琴調整高度，而明顯地細龜都知時間漸近尾聲…
龜：「女王，妳諗住彈乜畀我聽呀？」
QQ當然答唔到佢，但就用手指㩒咗幾粒音出嚟。
龜：「係…係…サヨナラの意味！我…好感動！咁舊嘅歌妳都竟然識，你係咪為咗我自己都鍾意埋乃木坂？！」