thriXt Qantasy 純文字安眠之作 (New: - U2K - 一直上架): K480

Q：「哈哈，你條死仔講到佢好似木乃伊咁，如果俾佢聽到你咁話佢你真係可以變木乃伊…喂，偷偷同你講，佢其實好玩得㗎，如果你有本事嘅話或者真係可以同佢玩到啲新奇刺激嘅人體實驗，如果佢唔避忌我嘅話。」
我：「唔使喇，我唔想成為啲惡毒女人嘅實驗體。」
Q：「你又未試過，可能會好enjoy呢？」
我：「我樂於平靜咁生活…妳又知佢好玩得？佢喺你面前示威呀，定係已經出咗軌，有無欣姐咁犀利？」
Q：「識咗咁耐又點會唔知喎，我唔肯定佢有無出過軌，但呢樣嘢要發生應該唔難，第時都實會發生，中秋嗰晚佢偷偷同我講，發現咗佢條仔喺佢身邊竟然都偷偷地睇鹹片打飛機，然後佢迫佢…係咁睇，連射咗四次，哈…哈哈…你睇下我對你幾好，任你睇都唔嬲。」咁點同喎，人哋係乜嘢關係，我同妳又係乜嘢關係？
當然，妳可以唔俾我睇，迫我剩係睇妳我OK，要超大尺…
我：「喺強權面前可以軟對抗，無人叫條仔係咁硬喎…」
Q：「個八婆就梗係有辦法㗎啦，你想知未試下撩佢。」
我：「唔使喇…不過妳兩個同人慶祝生日自己喺度謦鹹欬都有嘅。」
Q：「咁有啲時候總會split開咗㗎嘛，例如我同Yvonne喺度睇緊胸圍底褲嗰陣，Uranus就會唔耐煩捉住Zilvia去睇無聊玩具。」




我：「妳哋都幾得意，全部都係女仔，佢都啱睇嘅啫。」
Q：「佢係啱，只不過佢唔想同人講自己會花好多時間喺呢啲姿整嘢上面，又覺得我哋搞咁多嘢係為咗用美色去取悅啲男人，所以咪唔會同我哋同流合污囉，但我好肯定佢自己平時都會睇，因為佢用啲貨其實唔差。」
我：「Zilvia見到妳哋睇Bra會唔會唔開心？」
Q：「唔好咁諗佢啦，每個人都有自己嘅優點啫，佢個身高好多人都恨唔到，而且又食極都唔肥…好喇，唔講喇，我都要走，你個外賣仔快啲送貨上去啦！」
QQ搞乜，點會無端端喺度經過嘅？不過佢喺學校做緊嘢行來行去都好正常嘅；唉，佢做幹事只會變得越嚟越受歡迎，學佢同條仔咁講，就算成日有人追都唔使打報告…
「咯咯咯，咯咯。」「入嚟啦。」
我：「師兄師姐，你哋好呀，幫你哋係咁意買咗少少零食…」內閣嘅人大部份都係中五嘅。
「好呀，唔該晒阿爽。」呢個男仔好似係候選主席。
「嘩！係男神師弟呀，多謝晒！」…。
我：「師姐唔好講笑啦，我有邊忽做到神喎…」




「物以類聚嘛，俾女神圍住嘅就自然係男神嚟㗎啦，啱唔啱先，如果唔係點解釋？」係另一個師姐。
Y：「哎吔，你哋唔好玩佢啦，放低喺枱面得㗎喇…」我放低咗啲嘢，然後佢又推返我出門口再閂埋門。
放心，佢係同我一齊出咗嚟，無當我和尚咁打。