為了實現媽媽遺願，我成為了女兒國唐僧: K472

我：「唔好玩我啦…我係一個正常人嚟㗎，妳正到漏油咁我點忍喎，知唔知道可以同妳做係我哋所有少男嘅夢想嚟！就算只係做過一次，都可以終生無憾呀！」
Q：「唔知點解啲中文喺你把口度講出嚟就硬係有啲怪，正常應該係抱憾終生同此生無憾…嗯，我就梗係知啦！所以呢，就慢慢發夢啦！無呀，我去洗白白喇…」
佢一起身，我下半身就傳嚟無盡空虛，似把刀鋒…
我：「我都係咁講啫，點會無端端有喎，我都沖涼…」
Q：「哼，我好肯定你一定好想走埋入嚟同我一齊沖。」
我：「有cam影住門口㗎，雖然無其他人啫…」
Q：「乜你都知有人廿四小時睇住？」妳啱啱先話無…
我：「唔關事啦，我喺屋企都唔會騷擾妳沖涼啦。」
Q：「點同，呢度闊落咁多，重有，唔准喺入面打我飛機呀！」
我：「唔打啦，我隻腳都重未回氣，唔想喺入面抽筋。」




總覺得QQ佢好似有啲high大咗咁，可能頭先同班八婆玩得開心得滯掛，同埋有得喺度沖涼實在係舒服好多。
就算點舒服，我沖涼嘅速度都係快過佢嘅，所以我就喺出面㩒住電話等佢，點知佢一出嚟呢…嘩，呢度街嚟㗎！
我：「呀右女神…妳攪乜鬼左右兩邊都…」
Q：「望乜鬼呀，死變態，人哋無戴Bra出嚟吖嘛，又唔想著返嗰件索咗汗嘅top，所以咪…無所謂啦，咁夜條街又唔會有人嘅，係得你呢隻色狼啫。」
我：「我都信條街無人，咁使唔使攞埋對嘢出嚟曬月光呀，聽聞月圓之力除咗可以令男人變色狼之外，重有豐胸同令皮膚變得更加白滑嘅作用…」
Q：「收皮啦你，當我係鄉下妹呃我入邪教咩，返屋企喇。」雖然佢把口對我態度麻麻，但又即刻拖返住我。
出到大街，基本上真係無乜人，至少唔會近距離有人，所以唔會有人睇到佢兩粒釘；而個滿月都仍然喺個天空上面，開始慢慢西沉落山，散發住偏黃嘅光線。
點知行到一半都未夠，QQ佢越挨越埋嚟，以為佢short咗想請我食波餅啫，點知佢半個身嘅重量壓晒落嚟。
我：「妳無事呀，唔好嚇我喎…」
Q：「無…只係…沖完涼好眼瞓…」又難怪嘅，佢今日中午就出去同佢哋一齊玩到而家半夜重同我喺條街度。




我：「唔係要為咗嗰十分鐘路搭的士呀，一係…我孭妳返去好唔好？」而佢就用身體正面回答咗我…