為了實現媽媽遺願，我成為了女兒國唐僧: K424

U：「咁又係，拍馬都追唔上佢兩個…不過男仔見到小布嘅女仔應該點都開心呀？係咪？」佢拉高校裙露咗半截大髀出嚟，講真係正嘅，因為踢得死我…而且啱啱都睇過。
反差有時真係好正，例如A0乖乖女韻婷發姣，又或者暴力女賣弄性感，如果唔係QQ日日看到我實一實…
我：「唔好咁啦，妳明知我鍾意啲肌肉線條，而且…呢度重有其他阿叔喺度食飯，睇蝕咗就唔好。」
U：「嘻，你唔准對我起痰呀，Queenie實唔放過你！」
我：「唓，我先唔會驚佢，佢而家咪又係喺度拍緊拖…」
U：「吖，好嘢喎，連人哋幾時拍緊拖你都知道嘅？」
我：「咁…又唔係唔熟，講下呢啲好閒啫。」
U：「咁你會唔會有hardfeeling㗎？」
我：「唔會啦…佢過得開心咪得囉，肯同我玩下就夠。」
U：「真係大方，即係佢同我哋講幫人補習係大話嚟啦，我就係諗緊佢屋企咁有錢點會嘥呢啲時間。」




我：「咁呢個…我唔知喇，佢不朽都蠱蠱惑惑㗎啦，又或者想填返自己去補習啲錢掛，又可能想玩下小朋友，總之佢啲私事我唔會理，我夠同女仔食緊飯啦，好叻咩。」
U：「你見完我返屋企會唔會偷偷地攞啲嘢出嚟捋㗎？」
我：「吓…做乜咁問，我暫時都未有呢個打算。」
U：「點知你，Queenie成日都講到你好變態咁，都唔知你兩個係點相處嘅…」妳不如問下自己先啦，呢條問題…
我：「即係咁，妳哋貴為女神，我又點可以用呢副骯髒嘅身體嚟精神污染妳哋呢，不過小弟如我就好聽話嘅，如果妳想我諗住妳嚟較炮嘅話，定當赴湯蹈火，萬死不辭。」
U：「即係點？你真係唔會精神污染Queenie㗎？」
我：「欸…佢話制止唔到我，所以默許咗…就咁。」
U：「你唔准J我呀，一陣背叛咗女神佢怪罪我點算。」
我：「係就好咯…佢怪都怪佢條仔先啦，懶得理佢，不過我覺得如果妳想溝仔嘅話就唔好參考嗰兩個姣婆，都唔襯妳，不如搵啲健康啲嘅活動嚟入手啦，妳咁鍾意運動，佢總有一兩範係啱㗎？」
U：「我知道佢有打壁球，但我對呢種運動零認識。」




我：「咁咪叫佢教妳囉，妳嘅話應該好快上手。」
U：「咁突然會唔會好怪…同埋壁球好多規則，我唔知啲位點樣彈來彈去，好驚會激死佢。」
我：「我都覺得呢種運動好唔知點，話唔埋妳會一嘢撞埋落佢度，妳咁鬼暴力，哈哈…」
U：「喂呀！所以你重叫我同佢打…」
我：「呀，佢係IT人，不如妳試下叫佢幫妳補ICT？」
U：「咦，係喎，點解我無諗過呢條橋嘅？」
我：「因為妳叻得滯，從來都唔需要補習。」