為了實現媽媽遺願，我成為了女兒國唐僧: K422

我：「問題係，答妳呢條問題有好多唔同嘅approach。」
U：「咁答你個方向咪得，點解妳鍾意Queenie嘅？」
我：「哎吔，妳唔好define到我對佢死心塌地咁好嘛…」
的確，我同右女神其實係無乜可能嘅…最大問題係佢住咗喺度，我根本無得揀，亦唔想呃住第二條女同佢一齊。
我：「其實如果妳唔趕走晒啲仔，大把仔冧妳啦。」
U：「我對佢哋無興趣，留喺身邊做乜喎。」
我：「我知妳心有所屬，妳剩係姣佢咪得囉，都係想佢一千零一個鍾意妳啫。」
U：「問題係我唔知佢點睇我，佢亦都應該唔敢。」
我：「妳咪試探下佢，姣下佢，送下秋波畀佢睇下有無反應囉，男人啲自然動作同表情好難呃到人。」
U：「真係有用咩？肯定？如果佢對我無興趣會唔會有反效果攪到以後避開我？」梗係會啦…如果係渣男就會中出傻豬即飛，直接上天唔使爬樹。




我：「我點知喎，而且我完全唔識佢…呢啲人夾人嘅啫，妳留意下佢嘅喜好囉，但好多嘢無得夾硬嚟。」都黐線嘅，正到咁嘅女仔都唔明做乜要煩埋呢啲嘢…
U：「咁你呢？點解你鍾意Queenie唔鍾意我？佢有乜係好過我㗎？就係因為佢靚啲？」怕且暴力女真係唔明感情關係係乜嘢一回事，我話唔鍾意妳唔係真係唔鍾意妳，只係我唔講得鍾意妳咋…
呢啲話題我覺得最好就係同YY謦，反正呢個女仔都歪晒，又唔使好似對住QQ咁避忌，佢明白我哋男仔需要啲乜，就算話想玩佢個閪最多都只係俾佢打一身，佢又唔似得前面呢隻咁暴力。
我：「靚啲…就少少啦，其實我覺得各花入各眼啫，有人鍾意斯文怕醜嘅女仔，有人鍾意好動活潑運動型，其實我都覺得妳好靚女㗎，上次咪講過囉…同埋我諗，最緊要就係佢坐我隔籬成日對住，咪覺得佢特別啲囉，其實妳可以理解做我鍾意同佢玩，鍾意同佢相處，唔一定係嗰種㗎，相見好同住難嘛，我都唔認為同佢會有啲乜可能…總之佢由得我喺佢隔籬就已經好開心。」
U：「咁幽蘭呢？佢而家都坐喺你隔籬又單身，你會唔會移情別戀鍾意咗人哋㗎？」
我：「其實呢就…妳哋個個都係高貴嘅女仔嚟，邊輪到我是是但但咁鍾意喎，我諗…同Queenie相處開心啲嘅。」
U：「乜原來你咁專一㗎，但又好似係，你上年都有女黐埋嚟。」實情係我花心到爆，鬼叫同QQ住又俾佢看到實，如果唔係一早食咗韻婷或者同細蚊復合。
我：「對住妳哋…我邊有本錢曳喎，所以…我覺得而家咁樣幾好吖，雖然無拖拍啫，但每日都過得好充實。」