thriXt Qantasy 純文字安眠之作 (New: - U2K - 一直上架): K407

頂你個肺，咁樣話自己個老細都有嘅…唔知邊個當初咁鍾意嗰個低低BB可可愛愛奸奸狡狡嘅Kuromi呢？
我：「暑假嗰陣又話自暴自棄唔諗女，返返去咪得囉…」
健：「我發覺，有時啲嘢根本唔輪到自己去揀。」
我：「第三集喇，揀機先啦，唔好話我同你爭。」
幾經辛苦，一次過打爆晒三集1945嘅easy mode…
健：「你知唔知，近期PS4同Switch都出咗1945三？」
我：「我連PS4都無又點會知呀…但呢幾隻game我由小學已經玩起，乜再出會賺到錢咩？」
健：「咁，可能好多人以前無玩過掛，唔係個個都識玩模擬器，你打咗咁多年可唔可以一命爆機？」
我：「一cred爆機就試過好多次，小心啲可能得嘅。」
健：「唔係easy喎，普通難度呢？」




我：「好難喎，點都要con兩三次呀…」
健：「聽聞而家啲人買返嚟玩都係煲hard mode。」
我：「做乜要咁辛苦自己…跟住…玩吞食天地？」
健：「唔喇，你玩啦，我抖一抖先…」
佢講完就放低個手掣，行咗去梳化度坐低，又打返開個唔會再有人應佢嘅對話框喺度嗟嘆。
既然佢講開，我又試下打hard mode先，聽聞以前出面啲街機全部就係呢個難度…結果，頂…係咪人玩㗎？打完第一版大佬已經con咗兩次，根本無機會俾我儲炮同能量條，乜而家啲人打機咁辛苦㗎咩？我不如揸貨櫃車算…
我再望返阿健，佢已經喺張梳化上面瞓著咗；頂你吖，你知唔知有幾多人恨都恨唔到呢張平時QQ坐喺度嘅梳化，而你條茂里就一大朝早嘈醒晒我哋再瞓喺度…
不過其實佢以前都成日上嚟打機，喺度瞌著唔係乜新鮮事…既然係咁我都上床補眠下先，好飽，嗝…
瞓咗無幾耐，唔知點解我感覺到有人瓹咗入我個被竇入面；屌，唔係你條仆街仔失戀dry得滯走上嚟我張床攪我呀？信唔信我一嘢劈斷你條用過Yan姐嘅雞巴，正當我想推開件異物之際…
Q：「喂！你攪乜呀？」




我：「呀，sorry，我先問妳搞乜，做乜無端端上嚟？」
Q：「有嘢同你講咪走上嚟，費事嘈醒個傻仔嘛。」
我望清楚啲，QQ除咗件裇衫，得返吊帶背心同Bra…
我：「其實我唔介意同妳喺屋企入面message嘅。」
Q：「你唔覺得咁樣好刺激嘅咩？」係？使唔使偷扑埋？
我：「咁鍾意刺激，使唔使我揸下妳對波呀？」
Q：「乜我有話過唔俾你揸波咩，幾時呀？」
我：「無呀，講笑啫，而家都唔係一個合適嘅時間。」
Q：「我都係講笑啫，就知道你唔會咁樣蝦我。」
呢個QQ成日裝我彈弓撬馬腳，早就知道唔可以聽佢亂噏…不過佢講完之後又攬咗埋嚟嘴我。




我：「雖然我係既得利益者，但…有無嘢需要我幫手？」
Q：「唔使呀，我開心得滯咋嘛。」