thriXt Qantasy 純文字安眠之作 (New: - U2K - 一直上架): K373

U：「原來係咁打pat真係好舒暢！不如…以後我畀你揸波換你個pat畀我任打好唔好？你有賺啦！」
我：「唔好！我以後都唔敢再掂妳！色字頭上一把刀！」
然後佢幫我拉返高兩條褲，再扶住我雙手拉我起身。
我：「唔該…做乜對我咁好？」
U：「唔對返你好啲，我驚你將我就地正法喺度姦埋。」
我：「我認真諗過，其實我應該無呢個力量。」
U：「哼，乜你終於肯認就算男仔對女仔都唔會有絕對優勢喇咩？」佢雙手叉腰一面威風咁。
我：「唔係…係我小兄弟對住暴力女甘拜下風唔識再硬啫。」屁股重慘過俾人強姦完，叫我點硬？
U：「哼，口硬，Queenie講得你無錯，淫賤不能移！」
妖，呢個女人…都唔知佢係話我定話自己，咪一擔擔。




天王星伸手去心口摷返條匙出嚟放喺枱面，再喺個袋入面攞咗條校裙出嚟攤開，開始解開身上面套空手道袍。
我：「欸…妳做乜唔去廁所換衫呀？」
U：「是但啦，呢度都無人。」
我：「原來我喺妳嘅眼中真係人都不如。」
U：「禽獸嚟…又唔係未睇過，無所謂啦。」
呢啲場景我朝朝有得睇㗎啦…不過佢又係，又要鬧我，又要喺我面前背住我換衫，啲女人實在夠晒矛盾。
U：「你真係覺得我嘅身體好睇咩？」
我：「好睇，靚女嘅身體令人賞心悅目，忍唔住要睇。」
U：「認真喎，其他女仔…我覺得佢哋同我好唔同。」
我：「認真，好難先會有一個女仔好似妳咁fit，啲肌肉線條好靚，背肌好有層次，條腰好firm…可以同一個好似妳咁樣嘅女仔做愛，人生就可以少一個遺憾。」




U：「食屎啦你，Queenie一早同我哋講過你係危險人物嚟，我先唔會俾你氹到落踏…同你玩，以前唔明點解你一個死靚仔可以周圍攬女，而家終於知道。」
我：「我認我係危險嘅，但唔等於要傷害人，就好似妳學武術學到越高境界，就越唔會使出嚟咁。」
U：「咁Queenie實係武學至高，可以輕易將你鎖住。」
我：「妳咁類比都有道理嘅，妳朋友佢係好犀利。」
U：「如果你無遇見過Queenie，同我又唔係同學嘅話，頭先打贏我之後會點對我？」佢開始笠條校裙上身。
我：「妳知㗎，咪剝妳光豬，然後再侵佔妳身體…可以有其他嘢做咩，有食唔食罪大惡極呀。」
U：「其實我好想知道，乜咁樣真係有意思咩？」
我：「意思…咁性需要係要滿足咗先嘅，完事之後會要妳做我女朋友掛，如果妳肯嘅話，唔肯都無計，但就算喺埋一齊，我諗實會成日鬧架然後好快散，不過點都叫食過算賺晒㗎喇…sorry，想象中係咁，其實我個腦真係無乜好嘢諗到出嚟…」佢已經著返好條裙擰轉身死魚眼咁望住我。