為了實現媽媽遺願，我成為了女兒國唐僧: K324

我：「我明呀，妳係真千金小姐，唔係差唔多水平嘅根本溝通唔到，而且妳係豬嚟，食完走人唔俾你爹地請殺手做瓜就奇，惹唔起，不如去蝦下啲傻豬平民女仔好過，最好係一早已經玩壞咗嗰啲，係咁換都無手尾跟。」
V：「咪係囉，但又唔見你咁做嘅？」
我：「因為我未有呢個資格，助養女神已經使晒啲錢…」
V：「所以…普通男仔認識我之後應該就唔會敢再黐埋嚟，都唔好話過唔過到我屋企人嗰關，而真係同我咁上下嘅男仔，其實真係少之又少，就算係好多都唔係好人嚟，好似你講咁都係敗家仔周圍玩女多。」
我：「係呀，好似Yvonne阿哥咁就係一個活生生例子。」死火，我講完先發覺咬親條脷…唔應該講㗎！
我：「呀！妳知就好喇，唔好同第二個講，我同佢都唔係好熟㗎咋，係佢唔小心爆咗畀我聽。」
V：「放心啦，雖然我係女校出身，但我唔似得以前啲女同學咁鍾意講人是非，每個人都唔同㗎啦，都唔知有乜好講，不如慳返啲時間嚟關心自己好過…或者我喺學校入面同人曖昧下偷情就得嘅，但一放學我就要消失，同埋其實都難，都唔知佢哋會唔會搵老師喺學校昅實我。」
我：「做乖乖女都唔差嘅，拍拖唔一定會開心。」
V：「我明呀，不過睇住Queenie同Yvonne兩個就覺得佢哋過得好快活，而最神奇係Uranus同Zilvia竟然唔會俾佢哋影響到，我以前學校都唔係咁嘅，基本上係會識仔嘅一堆，乖嘅另一堆，永遠都水溝油咁。」
我：「欸…其實除咗佢哋幾個，其他女仔係差唔多。」




V：「所以咪話佢哋幾個真係好特別。」
食完嘢坐喺個簷篷下面望住個雖然唔游得水嘅泳池都幾愜意嘅，其實主要都係我食，佢淨係食咗一隻餃一條卷。而我哋坐緊嘅係一張仿藤嘅防水梳化，佢一路聽故仔就一路貼埋嚟，直至到個身挨住我為止…
V：「其實我諗我真係濕咗。」我諗…好明顯地佢係發緊姣，咁青春期嘅少女發姣又其實係好正常，除咗天王星呢啲石女之外，但我只係佢嘅一個朋友，同我講都無用㗎；真係唔明攪乜，韻婷嗰陣時又係咁，不過佢就包裝到成件事好有愛咁，係唔知佢到底有幾愛我…而幽蘭呢，應該就唔係咁嘅。
個天就係明玩你，當你有咗QQ就咁多女黐埋嚟。
如果唔係QQ我應該食咗Angel散埋添喇。
如果唔係QQ我又點會去酒樓打工識到啤酒妹。
我：「多謝妳答我，係正常嘅…」