為了實現媽媽遺願，我成為了女兒國唐僧: K257

我：「可能係幽蘭啲藥，食完就好似陷入深沉嘅思考狀態，唔識得諗嗰啲衰嘢。」
Q：「好事喎，咁你日日幫佢食藥做沉思者咪啱。」
我：「無錯，我可以化身做達爾文嘅沉思者！」中二西史教文藝復興嗰陣講過，我即刻擺返個pose出嚟。
Q：「喂！我想問你係真係唔識定專登錯㗎？」
我：「特登㗎，就睇下你發唔發現到我講錯，我點會唔識達文西喎，達爾文係進化論嗰個。」
Q：「你係普通玩嘢定深度玩嘢？沉思者係羅丹雕㗎…」
我：「羅丹係乜水？王丹同彭丹我就識…」
Q：「係魏京生個friend嚟，信唔信我咬斷你條嘢？」
佢…真係隔住條褲用上下兩排牙輕輕夾住我個頭…
我：「唔好啦，我都無做錯啲乜啫…」




Q：「驚呀？可能我唔捨得呢。」
我：「點解會唔捨得嘅？」
Q：「點知我有無機會用，而家斷咗可能我會蝕。」
我：「妳覺得…妳確定…會有呢個機會？」
Q：「好難講嘅，或者有一日俾條仔飛，有需要嗰陣就迫你服侍我。」佢又牙仔咬咬咁喺度講。
我：「妳確認妳係清醒狀態講呢番說話？」
Q：「有乜所謂，女人不朽蠻不講理，去沖涼先。」佢彈起身落床，跟住就除埋條校裙出嚟劈落我張床度。
Q：「係呢，你覺得我靚啲定幽蘭靚啲？」
我：「如果唔識妳哋嘅話，我應該覺得幽蘭靚少少…」
Q：「到你識佢再多啲嘅話，應該都會覺得佢靚啲，唔緊要吖，我都覺得佢靚，唔使講大話呃我。」




大佬…妳日日喺屋企剩係著住底衫褲喺我面前行來行去，方死我睇唔到妳玲瓏浮凸咁，個起標點都唔同。
係喎，魏京生呢個名咁熟嘅，到底係乜嘢人嚟？
一開學就七國咁亂，先唔理我locker盆花…有啲無謂嘢始終都要處理，應該話我幫到手嘅話無理由唔幫。
我：『主人姐姐，我有啲嘢想請教下…』
佢無覆我一隻字，只係得一個排第一嘅微笑公仔。
我：『主人妹妹，係想認真同妳商量下。』
Y：『講啦廢柴，日日黐住啲女神無嚟出息。』明明佢自己都係女神，何出此言呢？唔通佢唔妥左右女神新組合？
我：『請問妳係咪同思韻佢鬧咗架？』
Y：『鬧乜鬼架呀？乜你呢兩日有見過我同佢交流咩？』
我：『唔好意思，我嘅意思…準確嚟講係絕交。』




Y：『好笑，我同班上面咁多同學無交流，我係咪要講通通都絕緊交？係咪個傻仔開口同你講㗎？』