為了實現媽媽遺願，我成為了女兒國唐僧: K225

我：「我有呀，煩緊暑假之後燒臘鋪啲飯加咗兩蚊。」
Q：「兩蚊啫，有乜好煩喎！我都會照顧自己，你唔使擔心呢少少錢啦。」我比較擔心妳唔再需要我多啲…
我：「係嘅，其實主要都係心理唔好過啫。」
Q：「同埋呀…阿健隔籬個女仔，Josephine都係另一個煩惱嚟。」唔通妳驚人搶咗妳個廉價勞工？
我：「妳得罪咗人？重以為妳哋四個只係自成一角。」
Q：「唔係我囉，中一嗰陣我同佢坐過㗎，關係一直都唔錯，不過有一次佢講嘢辣著咗Yvonne就反晒面，咁我又差唔多無得揀，中二又唔同班嘅情況之下就無再理過佢，而家同一班有啲唔知點咁。」
我：「Yvonne咁小氣，睇嚟就唔會讓步。」
Q：「你都知…而且嗰陣Josephine講嘅嘢實在過份咗啲，我都幫唔落，論重要性又係Yvonne比較高。」
我：「唔怪之得今朝佢會自己一個坐益咗健仔啦。」
Q：「嗯，佢之後兩年同而家班入面另外幾個靚女都熟過㗎，不過又係類似互相頂大家唔順咁。」




女仔嘅世界真係複雜，而我重有阿健同我玩就夠。
我：「重邊有其他靚女喎，係得妳哋四個咋嘛。」
Q：「你算吧啦，喺我面前你連Yvonne都可以講到一文不值㗎啦。」對唔住，我今日先偷偷背住妳喝她的茶，再為她這樣不雅咁射清晒自己身體入面嘅精子。
開學日就咁樣有的沒的，無驚無險度過，好似係。
Q：「記住早啲出門口呀！唔好再遲到，我行先喇。」
我：「先無遲到囉，同埋妳唔見我已經刷緊牙喇咩？」
Q：「我驚你一陣喺馬桶上面殊殊嗰陣瞓返著呀！」
呢個女仔都唔知乜構造，點會咁諗我…刷緊牙，一路殊殊…舒服…呼…我發覺有啲唔妥即刻開大水喉拍啲凍水落自己塊面，實在係太危險喇！
由於琴日落雨無喺操場集隊所以今日係要補返嘅，一打完鐘就由班主任埋嚟幫我哋排位，lady first，再由矮至高；雖然我唔係受害者但都覺得呢種食古不化嘅制度有歧視學生身體特徵之嫌，不過有失就必有得，聽聞班行先死先嘅矮冬瓜經常性非常容易就可以喺行樓梯上課室嗰陣昅到啲高妹嘅裙底…呢個制度，到底暗藏幾多問題同不公？
重有另一個有趣現象，就係叫身高落差friend，最矮嘅男仔好易同啲高妹混熟，而最高嘅男仔就有機會識到隔籬班最矮嘅女仔。以我哋班周B為例，雖然我認為佢思想同智慧拍得住一個大學生，但一副睇落好cute嘅baby face往往都可以氹到啲高妹心花怒放，而且口才又叻兼成績超班…不過就無聽過佢有啲乜緋聞。