為了實現媽媽遺願，我成為了女兒國唐僧: K188

Q：「喂！影完喇，死仔包。」QQ扯我隻手出返嚟，死過返生咁，其實同太多女仔一齊玩唔好以為好過濟…
我：「妳使唔使專登扮乖呀，邊有人理妳幾點返屋企喎。」我喺佢耳邊細細聲講。
Q：「唔關事，聽日開學我諗住返去同條仔謦下電話啫。」呢兩日先見完，重要玩埋phone sex先開學？
出返嚟，我望到有兩個男仔喺度等緊嗰兩姐妹。
我：「不如我送妳？嗰兩條仔似乎想一齊走噃。」
Q：「唔使，一個係嘉雯條仔嚟，同埋佢個friend，唔會攪我啦，我咁大個人識保護自己。」
我：「吖，點解妳會咁清楚…先識咗無耐。」
Q：「你理得我哋吖…幫我睇住阿健呀，佢已經玩到傻傻地。」由頭先開始佢就傳說到而家無停過。
我：「關我乜事喎，睇佢個樣打得好開心吖。」
Q：「係咪朋友嚟㗎？人哋唔係你嚟呀，重要飲咁多…總之送埋佢返屋企啦，聽朝要返學㗎。」


我：「出面可能有雨，妳攞埋把遮走啦。」
目送完QQ走咗，我又返埋去睇佢哋打機…阿健就一直坐咗喺欣姐隔籬，雖然佢重係成尊石像咁，但已經坐到越嚟越埋兩隻手臂開始會互相貼住，我就唔信個死仔重可以一心一意咁投入喺個峽谷入面…
欣姐個friend無乜玩，主要都係喺隔籬觀戰。
我：「姐姐，唔係點見妳玩咁嘅？」
「重叫我姐姐？你同我一樣高㗎咋喎…」我都唔想㗎，我咪重高過我上年班主任，一樣要嗌佢Miss㗎喎。
我：「唔好咁啦，我先啱啱脫離初中，而妳已經係個大學生…」我一面委屈㧻住手指咁講。
「我叫阿貞，或者可以嗌我Janey…成日打機好攰㗎嘛，我無Yan佢咁沉迷，睇下人玩重好啦。」
我：「貞姐姐…貞子嗰個貞？」
貞：「係呀！頭髮披面爬出電視機嗰隻…」
我：「咪嗰隻囉，乜重有第二隻精子咩？」


貞：「無，但有卵子囉，你過嚟攪乜撚呀？」
讀U嘅大姐姐真係可愛，滿口都係生物學詞彙，我鍾意！
我：「妳同欣姐係咪好friend？已經識咗好耐？」
貞：「唔係好耐，OK咁啦，做咗半年dormmate。」
我：「當眉？係乜嘢嚟㗎？」睇怕係拉靶啲friend…
貞：「即係住喺同一間dorm，宿舍呀…」
我：「哦…我想問呢，欣姐佢…係咪對小弟弟有興趣？」