thriXt Qantasy 純文字安眠之作 (New: - U2K - 一直上架): K131

我：「吓，使唔使呀，呢條裙未至於會睇到底底喎。」
Q：「咁如果萬一走光撞晒色咪好肉酸，你知唔知對一個女仔嚟講，走光俾人覺得肉酸係重衰過走光呢件事本身。」係咪㗎，有無呃我，定淨係得妳先係咁。
然之後佢就直接遞高腳除咗入面條翠竹底出嚟。
我：「嘩，全真空女神呀…」
Q：「妖，去到最後乜都係真空㗎啦，唔通我可以將啲身體部位收喺第二度咩，嗱，攞去用啦。」
佢遞咗條翠竹底畀我，然後踎喺度喺個喼摷咗條性感黑色厘士底出嚟著，的確叫襯返佢套衫嘅。
如果我話就嚟睇到無晒感覺，你哋會唔會揼扁我？
我：「嗯，靚女晒，perfect。」我退後一步望佢。
Q：「妝都未化，有無咁易perfect呀？」
我：「唔使啦，而家都係試衫啫，到嗰日先啦。」




Q：「嗯，不過都重有啲accessories嘅。」佢喺個喼度攞咗對黑色紗網前臂手袖出嚟。
我：「妳有啲咁嘅嘢㗎，都未見妳著過嘅。」
Q：「唔係呀，我特登去買㗎，似彌海砂嘛…其實都唔係，我比較想參考妖精帝國嘅設計。」
我：「又係乜嘢嚟㗎…」
Q：「一隊日本現代epic rock visual音樂團體？類似啦…」佢戴對手袖上手，長度啱啱封到去手踭，而前面就唔連手套，得個手指卡位，卡位連住一塊三角形嘅通花紗網冚住個手背，真係好性感，雖然我覺得無人聽得明我喺度講緊乜，尤其係男仔，因為我自己都唔明。
Q：「嘿嘿，重有呢個，硬J未呢？」
QQ真係深明男人諗緊乜，明明佢平時啲衣著可以更加清涼，但佢而家越著越多反而令我…
我：「妳竟然真係搵到啲咁嘅嘢。」係一對綑紅色花邊嘅大髀黑絲，而且重有紅色襪帶。
Q：「係呀，搵勻成個旺角咁滯得兩款類似，一款係玫瑰花紋我覺得好北姑feel，所以揀咗呢對星星月亮。」
我：「咁梗係呢對好。」其實我已經喪失咗思考能力。




QQ拆咗個包裝，喺我面前遞高隻腳著…襪帶頭，係咪咁叫？類似一個低腰封嘅嘢，都係紅黑厘士配色，襯晒佢條底底，然後再一邊揄一邊tune好個對稱。
佢好似未著過呢啲嘢，手忙腳亂整嚟整去好似分唔到前後咁，定其實無分前後㗎？而佢半烏低身上面又好似倒瀉奶咁，我真係有啲怕佢緊得滯一下迫晒成對波出嚟咁就唔係幾好，話晒都無貼乳貼㗎嘛係咪？
雖然又好似無乜嘢，我只係喺度專業咁輔助佢著衫。
就算睇到粒lin都只係工業意外，我重可以幫佢擺返入去。