thriXt Qantasy 純文字安眠之作 (New: - U2K - 一直上架): K124

健：「唔止我，重有無數觀眾欣賞緊，不過妳真係好犀利，好似知道晒啲人想睇乜咁。」
Q：「唓，男仔來來去去都係嗰幾味㗎啦，不過…你好似有啲進步喎，識得讚我隻腳。」
健：「咁真係靚吖嘛，唔係個個有，有啲女仔想露都無資格露…」
Q：「都唔知有乜特別，明明咪同平時著PE褲差唔多。」
健：「因為若隱若現，呢啲叫意境。」
對我嚟講，女神嘅若隱若現就當然同阿健唔同level啦…QQ有時都幾得意，明明算係一個感性嘅女仔，但對於呢啲嘢又會出奇地實在，就好似佢會話畀我睇到內衣褲其實即係同畀我睇到比堅尼一樣，最重要係靚。
Q：「見你咁仰慕，益下你畀你影幅相返去J嘞。」
喂…喂！係咪過咗火？！乜呢啲唔係我嘅專屬福利嚟㗎咩？重有妳條仔…
佢一邊揸住隻乳鴿髀咬緊，一邊拉高自己條裙遞起隻大髀同腳仔…呢種嫩滑多汁，我好想咬落去呀！曳妹！
健：「Kuromi…求下妳唔好玩我啦。」


Q：「無玩你，呢條友咪又係咁J我，一早慣。」
我：「喂喂喂！Kuromi…你放過我哋啦。」
健：「好難想像你兩個平時係點生活，不過…我開始明白到你忍得有幾辛苦。」佢拍拍我膊頭。
我：「唔辛苦呀…習慣成自然㗎咋。」
Q：「咪扮嘢啦，你喺個學校女神secret TG group咪又係睇埋呢啲嘢，唔好以為我唔知至得。」
健：「原來妳知道呢樣嘢嘅存在…」
Q：「個group有成百條友喺度，你估下係咪真係所有人都守口如瓶唔會話畀女仔聽，都唔知啲相有乜好睇，陸運會又一大堆，禮堂搞辯論妹妹仔走咗少少打底褲光出嚟都J得落嘅，服咗你哋，所以先攪到Zilvia咁唔鍾意喺學校影相。」
健：「係我錯，人生無希望，退群喇…」
Q：「嗱，成隻腳喺度畀妳影都唔影。」五隻腳趾郁郁下，十分靈活，可能同彈得琴多有啲關係。
健：「唔好咁啦，我都唔係想要呢啲…」


Q：「想識女仔咪去識，你由得自己咁樣解決唔到問題㗎喎。」QQ確實係一個睇得好清楚嘅女仔。
健：「去邊度識呀，出年讀physics班男多女少，睇怕都唔會有希望，我唔想再打機識多個Melody返嚟。」
即係對我嚟講，打機識返嚟，Kitty又好，Cinna毛毛又好，XO雞又好，都係咁嘅啫，有得食就唔應該放過嘅，但阿健呢啲讕係深情咁，好難唔俾女玩死。
Q：「明明下年我哋班就好多靚女。」
健：「妳講妳啲好朋友？一個呢…重點係有仔，一個就唔掂得嘅，一個就無人掂到嘅…」
Q：「你咁分析都無錯嘅，的確識佢哋係無乜著數…」