為了實現媽媽遺願，我成為了女兒國唐僧: K80

我：「唔使喇，真係貴咗啲，佢亦未有咁老司機…想問下有無遙控震蛋賣？」
「普通嗰啲？定係藍芽？使唔使上埋網？」唔係呀？而家連隻蛋都要學人上網，真係唔使再入實驗室㩒核彈發射緊急制，電話app一㩒就得。
我：「最緊要平平地，普通用到就可以…」
「最平呢隻，中國貨，百三蚊就搞掂。」
我攞上手，一粒平平無奇嘅蛋仔，加個兩粒制遙控。
我：「大陸而家做呢啲玩具…應該有品質保障㗎可？」
「正常用到嘅…你可以開嚟試，但唔好掉粒蛋同搖控落水。」佢一面認真咁講。
我：「吓！玩震蛋唔俾濕，咁同打J唔准射有乜分別？」
「我嘅意思係，唔好浸入水入面，個面有少少水應該OK嘅，同埋玩完就輕輕沖一下抹返乾就好，總之…你買嘅話就可以而家試下work唔work，唔好過兩日壞咗搦嚟換呀，呢啲嘢無保養㗎。」
我：「如果個女仔玩壞咗我叫佢還返畀我留念啦。」




「…，你鍾意啦，如果係買就打開嚟試下。」
於是我小心翼翼咁打開個吸塑膠套，㩒咗遙控上面兩粒制各幾下，粒蛋都重係紋絲不動。
我：「請問，係咪未入電㗎？」
「傻瓜，乜都唔識重喺度扮曳，粒蛋要轉先會著㗎。」姐姐抽起條蛋尾攞上手，輕輕轉咗一下，條蛋尾就散發住微弱嘅紅光，勁似一隻漆黑中嘅螢火蟲條尾，而我當然知道條尾係為咗掹返粒蛋出嚟，以免塞下塞下塞埋入子宮。
諗返起QQ同我一齊溫Bio，真係幫到我記嘢入腦。
然後我㩒一㩒遙控粒制，隻蛋就係姐姐手上面震緊，我再㩒就有唔同嘅震法，然後我㩒另一粒制，隻蛋就復歸平靜得返粒寂寞嘅紅燈，好似垂死嘅超人咁。
「識用喇？無嘢要問吖嘛？」
我：「如果我話唔識用…妳係咪會親身示範下㗎？」
「無問題吖，要親身示範咋嘛。」姐姐放返低粒蛋入個膠套，隨手喺貨架上面攞咗一對孖葉同埋皮鞭…
我：「非法禁錮同猥褻未成年男子係犯法㗎。」




「出面有cam影住你自己行入嚟，你估下法官大人會唔會理你？」佢用個手銬逗我下巴。
我：「我知錯喇，我識用，錢喺度，攞去啦。」
「唔好講到我打劫咁，我對你已經好均真，粒蛋呢，好似擰樽蓋咁就可以打開換電，遙控上面就有蓋可以推開，呢啲嘢你識㗎啦，自己教個女仔喇喎，平嘢係麻煩啲㗎喇，啲手錶電你應該識去鴨寮街配㗎啦…」
我：「呢啲簡單嘢難唔到我嘅。」
「咁你自己落去配啦，本來係送幾粒畀你嘅…而家就，呢個啦，啱唔啱使？」
我：「係condom嚟？」我望住個錫紙封套。
「係吹波糖嚟。」佢對住我微笑。