為了實現媽媽遺願，我成為了女兒國唐僧: K76

買完正經嘢，我又學下啲女人咁行下街。顯卡仍然係天價咁，乜唔係話bitcoin冧市嘅咩？點解重唔減價，不過好彩爹地攞咗張2070返嚟畀我已經夠用，解決咗呢個煩惱；PS5，switch，各種game仍然係咁出，唔明一個正常人何來咁多時間打機，我揸下貨櫃車，射下飛機，打下傳說就已經唔得閒玩其他game，細蚊為咗隻換衫game連覺都無得瞓，所以…都係得過睇字。硬碟重有兩三TB，應該夠我放多成年AV…藍芽喇叭放到擺爛市咁，返去問下QQ有無需要先，我見佢練琴嗰陣都係插耳機或者就咁電話播，如果要駁返我電腦喇叭又麻鬼煩。
兜咗一圈其實真係無必需嘅嘢要買，亦諗唔到有乜係值得送畀QQ；出返大街原本諗住上西九food court賭一鋪，點知行到出面就見到有間越南粉tea set幾平，四十蚊牛肉河重連埋嘢飲，個場又幾靚就蒲咗入去；真係唔錯，雖然牛肉係得六七塊但啲粉都夠多唔會食唔飽人，重有青檸仔同辣椒碎配嚇下人扮正宗，加埋枝任唧嘅牛肉湯醬。
點算好，webcam係佢叫我買嘅生財工具點都無理由當生日禮物，係咪我可以當無事發生就算？係嘅，我邊有資格送禮物畀佢，佢亦唔會有啲乜期待，但咁樣真係好咩…就算我同佢唔係戀愛關係，我都想感動到佢令佢開心，等佢多啲鍾意我，個心唔係淨係裝住佢男朋友；諗返呢個時候，QQ應該攤咗喺佢男朋友張床上面，剝晒光豬進行激烈嘅運動並且發出奇怪嘅聲音。
唉，就算男主角唔係我…我都好想睇，想欣賞妳嘅身體，想目睹妳高潮個樣，想研究下妳係咪曳到識潮吹…咁其實我都有睇過佢高潮個樣嘅。唔得，我一定要做啲嘢，於是就打開Carousell，漫無目的咁睇啲商品其實好痛苦，同埋點解AirPods可以貴到咁離晒大譜？
食完飯繼續一路轆手機一路行街，行下行下入咗間唔太盞鬼嘅海味鋪，既然QQ講過以前成日有鮑魚食咁我就勉為其難咁睇下啦，望下貨架上面一罐二罐有大有細重複雜過睇RAM，原來最細嘅四十蚊已經有交易，睇怕就係QQ口中所謂嗰啲大陸重金屬蜆仔…有大罐裝，有智利，有南非鮑片應該就係馬叔叔所講酒樓度比較靚少少嘅存貨，之後就有澳洲鮑由三百蚊罐到六百蚊罐都有。