thriXt Qantasy 純文字安眠之作 (New: - U2K - 一直上架): K59

Q：「嘻嘻，低B仔，好似喺度渣牛奶咁。」然後佢就帶住愉快嘅心情，單手打橫遮住兩粒釘，右手攞件T入去廁所沖涼…明明揸緊牛奶嗰個就係妳唔係我。
唉，好想揸，好想揸落去呀！一早已經沖咗涼嘅我結果又攪到下半身黐納納，真該煨。
可能QQ實在係太攰，又或者飲多咗，佢沖完涼一攤落床就瞓著咗，話咁快又一日。
Q：「喂！你條友做乜坐咗喺度睇我瞓覺！」
唔知點解我今日早咗起身，見無嘢做就走去佢嗰邊欣賞一下佢瞓覺嘅樣。
我：「妳唔係瞓緊嘅咩…邊有人一起身講嘢就咁清楚？」
Q：「因為我啱啱發夢你喺入面想對我做衰嘢，我喺度鬧緊你，所以…好似駁返埋，係喎，我醒咗喇喎，喂！坐開啲呀，你個樣好危險！」佢連埋張被起腳䟫落我度。
我：「哎吔，我點會危險，妳琴日唔知醜嗰陣我都無對妳做啲乜啦，使唔使趁妳瞓咗先嚟…」
Q：「乜唔知醜呀，你就唔知醜，我點會。」
我：「但係…明明妳琴日噴完嗰枝香水，玩得好開心。」




Q：「邊有，我返嚟好攰沖涼就瞓咗，你唔係攪我枝香水呀？我打扁你㗎！」好彩我覺得好靚所以入盒擺返好。
唔通枝don’t be shy係迷香嚟嘅？QQ用完就會發姣做色色的事，然後第二日就乜都唔記得到一乾二淨。定係佢喺度扮晒蟹咁當無嘢發生過？佢琴日重好清醒同我介紹枝香水嘅品牌㗎喎，抑或…QQ嘅醉係可以個樣睇落好正常咁perform所有功能，但其實已經hang晒機，到醒返就reset？無所謂啦，橫掂我都享受咗我需要嘅嘢。
我：「無呀，邊敢鬥妳嘅嘢喎…係呢，一陣諗住同細蚊去邊㗎，不如妳決定埋食乜，我唔想用腦。」
Q：「我要一個無乜人嘅商場，打算去Mikiki，去到先諗食乜啦，其實你想平去舊區食街鋪都得。」
我：「麻煩晒妳…我諗細蚊都有準備嘅。」
Q：「我起身洗白白，你都要煮晏晝，細蚊考完試就會上嚟。」無論點睇，女人越多我就係越蝕嗰個。
煮乜好呢…繼續炒冷飯，返呢份工真係好方便啱晒我呢個從來唔想煲飯嘅人，餸就有小朋友海鮮QQ指定嘅紀文蟹柳同獅子狗，雖然已經係名牌，但佢都話港版呢啲係泰國造唔夠日本版好味，另外有急凍蝦仁…我曾經買過急凍海鮮雜錦，佢嫌棄啲蜆太cheap同魷魚粒似橡膠，而蝦就要大隻返啲…另外…咖喱粉加咖喱味丁麪味精。
呢個時候細蚊走嚟敲門。
蚊：「喂，傻叉仔，喺度做緊乜呀？」
我：「幫啲蝦汆水呀，之後就可以炒香啲餸先。」如果唔係連蟹柳一齊炒飯啲蟹柳散晒QQ又會唔開心。