為了實現媽媽遺願，我成為了女兒國唐僧: K57

我：「don’t be shy…乜妳都會怕醜嘅咩？」
Q：「Yvonne咪話呢枝嘢叫做唔知醜囉！最搞笑係一開始其實係Zilvia話不如買香水畀我，結果嗰兩隻嘢就超級興奮咁話要搵枝配合返我嘅，唔知道佢兩個到底搵咗幾多款，總之…呢個就係佢哋嘅答案嚟。」
我：「don’t be shy應該啱Zilvia多啲，妳嘅話要加少少字…don’t know how to be shy。」換嚟一下批踭。
我：「咁妳鍾唔鍾意呢份禮物呀？」
Q：「如果係講內容嘅話，我未知，因為重未用過，但就個包裝嚟講我就非常鍾意，唔知係佢哋兩隻嘢亂打亂撞定真係study過，by Kilian係軒尼詩嘅後人創立嘅，佢似一個藝術家多過香水師或者商人，本身讀語言嘅佢鍾意幫啲氣味化做一句文字，對自己嘅產品重視意境多於一切，所以呢枝嘢好有性格…當然，呢啲嘢其實無乜用。」
講就咁講，我見佢攞住個玻璃樽愛不釋手咁。
係嘅，對女仔嚟講，靚真係好重要，而且佢本身就係一個好靚嘅女仔，鍾意靚嘅嘢多過有用嘅嘢係好正常。如果你問我鍾意一個靚嘅女仔定一個有用嘅女仔，真係好難揀，係小朋友先會答你需要揀嘅啫；但今時今日女仔有無用已經唔再係睇佢係咪識煮飯洗衫，QQ本身就係一個好叻嘅女仔，比我有用得多…
Q：「係嘞，你同返細蚊講我聽日游得水，M完喇。」
我唔知佢正日係幾時，但佢條仔應該會開心死…
有時對住佢，我會覺得自己同佢係喺另一個平行世界。




我：「好呀…但有一個問題，可唔可以順便幫佢諗下買乜泳衣，我想佢…都可以好睇啲。」
Q：「有乜所謂喎，去泳池游啫，波褲T恤都得㗎啦。」
我：「係…但妳咁靚女，佢咁是但可能個心會唔舒服…」
Q：「做乜啫，我都可以波褲T去游㗎，咪又係咁。」
我：「但係咁樣又好似太特登…不如，妳幫佢扮下靚吖，同埋佢啲底衫褲我唔識陪佢買。」
Q：「吖，結果原來又係麻煩我做嘢。」
我：「我以前對佢唔好，想佢而家開心返啲啫…」
Q：「人哋重鍾意你，你同返佢一齊惜返佢咪得囉。」
我：「妳都知…有啲嘢係返唔到轉頭嘅…」唔係話我唔可以再一次同細蚊戀愛，而係我無端端遇到妳，咁樣好強人所難啫，妳唔好扮唔明啦，就算妳無諗住同我一齊…
Q：「得啦，小意思，買衫我專業，不過佢都幾得意㗎喎，以為佢鍾意去游水先會約人，又會泳衣都無嘅。」




我：「其實…佢係想幫我約妳，等我可以欣賞到妳…翩若驚鴻，婉若游龍嘅軀體。」