為了實現媽媽遺願，我成為了女兒國唐僧: K9

蚊：「係呀，我等Queenie返嚟，順便問佢功課。」
我：「咁樣我唔鎖門，妳真係要等到佢返嚟喎。」
蚊：「得啦，我都唔急住返屋企嘅。」
我：「細蚊…妳換返條褲先啦，濕晒一大笪…」
灰色legging，重要真空玩完，自己想像啦，夠膽可以挑戰用呢個setting就咁出街。
蚊：「唔換，我要話畀Queenie聽你蝦我，夾硬整到我下面咁樣，叫佢小心啲。」
我：「細蚊，放過我先啦，唔好玩住好唔好？！」
蚊：「哼，睇下你幾緊張，個心入面得返女神。」
我：「又唔係嘅，我只係…唔想搞到咁複雜，一陣Queenie見到尷尬就唔係幾好啦，換返先。」
蚊：「換咪換，你走咗我一樣可以畀條褲佢睇投訴你。」




我：「細蚊妳曳！要打打！」我攬住佢再拉開佢條legging，一下一下咁打落個屁股仔度，無肉唔太好打。
蚊：「吖！吖吖！痛！琴日老竇先打完…」
我：「Sorry…係咪好痛？我都唔記得咗添。」
蚊：「又未至於，俾你打OK嘅，打者愛也嘛。」
我：「唔好咁啦…細蚊。」
蚊：「我知道，你一定重有少少鍾意我嘅。」
我：「何必呢…妳咁樣咪盞自己辛苦，我都難受。」
蚊：「唔係好辛苦啫，咪同你差唔多。」
我：「點解同我差唔多？唔明？」
蚊：「你唔覺得我哋兩個好似嘅咩？鍾意一個人但係就得唔到，不過無所謂啦，睇到佢開心都唔錯呀，至少你又唔會唔理我，而你明知Queenie而家喺度同男朋友拍拖咪又係咁過，俾著其他仔一早唔理佢啦。」




我：「我…多謝妳，細蚊…我真係要落去開工喇。」
我惜咗佢嘴仔一啖，就趕住出門口落去。
蚊：「Bye！畀心機賺錢養女神呀！」
其實…我又點只小小鍾意妳吖，但要我輕易放棄QQ又係無可能嘅一件事，而且我完全無信心同妳復合之後可以令妳幸福，除非QQ消失…如果唔係同一腳踏兩船有乜分別喎？加上無咗QQ，可能重有個Wendy畀我揀，頭痛。
我諗我可以做嘅，就係spare少少錢，得閒同細蚊去玩或者買嘢等佢好過啲，總好過我濫情開空頭支票氹佢。
鏗鏘鏗鏘鏘！放工喇！又一工！返屋企！
我：「Queenie，我返嚟喇，細蚊走咗嗱？」
Q：「嗯，十點幾嗰陣走咗喇，做乜呀？」
我：「無特別呀，咁…佢有無啲乜嘢古怪？」
Q：「無喎，好正常咁喺度溫書，我返到嚟就問咗我十條八條，定係…你對佢做咗啲乜嘢古怪嘅嘢呀？」




我：「我…又點會…有乜古怪嘢要對佢做…」