為了實現媽媽遺願，我成為了女兒國唐僧: K3

我：「Minions無綠色㗎，得紫色，係變壞咗之後。」我永遠唔會忘記QQ睇住minions俾紫色minions追住笑到肚痛個樣，明明一直搽咗紫色扮得好地地。
蚊：「唔緊要啦，個款都幾靚，我鍾意。」
我：「鍾意就得，下一站想去邊？」
蚊：「不如我哋返屋企咯。」
我：「嗯，咁早就返去？」只係四點左右。
蚊：「再行街，咪盞使更加多嘅錢，要買嘅嘢都已經買完咯，我想早少少返去順便溫多陣書。」
以前無好好同細蚊行街，而家當然想補償返佢，唔介意使多少少錢，不過既然佢咁識諗我就梗係順佢意。
蚊：「喂！睇下，原來粉紅色係大隱藏款嚟，我哋中咗SSR呀！要成百幾盒先有一盒㗎！」喺橙色線上嘅細蚊望住電話，雙眼閃閃發光咁講，好靚女。
我：「咁…係妳好彩囉，但妳唔好再沉迷乜嘢SSR喇。」
講穿咗，SSR就係一組數值，再加一幅圖…




蚊：「係你好彩咋，熬下熬下就中咗返嚟。」
我：「咁係因為妳喺我身邊先有呢種運氣咋，既然咁珍貴，如果放返出去應該實有得賺。」
蚊：「係呀，見到啲人賣緊三百幾四百，但係你送畀我嘅嘢我又點會攞去賣喎。」佢滿心歡喜望住我。
一路上，佢呻下啲先生有幾垃圾，上堂嘈到好似動物園咁，有情侶會上堂嗰陣公然匿喺後排惜惜同愛撫，有男同學因為扑咗幾條同班女同學之後俾對方家長恐嚇到要即刻轉校，有師姐為咗要氹自己條仔開心唔介意俾佢啲兄弟扑埋等佢有得威。咪住，乜戴綠帽好威咩？唔多理解…
我：「細蚊…雖然妳學校好精彩，但唔好參與其中喇。」
蚊：「梗係唔會啦，當我傻嘅咩？自己又唔係未舐過嘢，以後都唔想同啲仆街仔喺埋一齊喇。」佢口中嘅仆街仔，唔知又包唔包括埋我呢？不過至少呢刻我唔係。
我：「咁就好，妳…唔係話返屋企溫書咩？」
蚊：「乜呀，係話去你屋企溫書呀，我同屋企人講咗搵師姐溫書，如果我咁樣攞住一大個橙剔膠袋返去佢哋會點諗？一陣以為我為咗買嘢去做援交點算？」
咦，細蚊諗嘢好似開始合邏輯咗；不過…嗱！係佢賣廣告咋，唔關我事㗎！你哋去買返QQ對LV啦。
我：「咁好啦，不過妳上到嚟真係要溫書㗎。」




蚊：「梗係啦，唔係你諗住我上嚟有乜嘢做？」