為了實現媽媽遺願，我成為了女兒國唐僧: 984

Q：「咦，你部電話個殼呢？」
我：「爛咗…掉咗，裸跑住先。」
Q：「嗯…唔使住，關於呢樣嘢我暫時有諗法…」
我：「即係妳有睇啱咗嘅？都OK嘅，如果妳自己夠畀就得，放心啦，妳平時啲洗費我點都會負責返。」
Q：「唔使咁驚喎，我自己都唔敢亂使太多錢，總之個keyboard我會諗辦法…知你肯養我喇，唔會唔信你。」
我：「可以賺錢養妳，都唔知行咗啲乜嘢狗屎運。」
Q：「係囉，咪就係超級黑仔，辛苦晒你喎。」
我：「唔辛苦…鬼叫妳係女神喎。」
Q：「重女乜鬼神吖，你今日好攰喇，快啲瞓啦。」
點知喺呢個唔尋常嘅時候，我個電話收到一個message。




健：『任務完成。』佢無再講其他嘢。
Q：「吓，佢半夜三更有乜任務要做完話畀你聽？」
我：「哦…啲人踢輸波，就點都要罰下㗎啦。」
Q：「哈，唔怪得你今日咁落力啦，咁要罰乜嘢呀？」
呢層，就當然唔可以話妳知啦…
我：「咪，又係男仔之間啲低B嘢，咁肉酸妳唔好知。」
Q：「即係乜呀，唔通罰佢半夜落街裸跑？」
我：「又未至於嘅，但都係類似呢啲咁嘅嘢。」
Q：「如果你輸咗嘅話，我會好想睇你裸跑㗎喎。」
我：「有乜咁好睇喎，女仔裸跑先有睇嘅價值。」




Q：「有呀，睇住你㞗捹捹應該會幾得意。」
我：「黐線嘅，妳陪我一齊裸跑就俾妳睇。」
Q：「嘻，因為你想睇我波捹捹？其實我又無乜所謂嘅，如果條街肯定無人嘅話。」
我：「妳嘅話，就幾時都想睇㗎啦，全身都想睇。」
Q：「鹹濕仔，發夢嗰陣慢慢睇喇喎，唔阻你，歡迎夢遺，我一陣會過返去秘密基地。」可以攬住妳瞓覺，有無得睇都無所謂啦，係咪先？就聽妳話，然後慢慢合埋眼…
至於阿健我就無覆佢嘞，講得完成任務，我相信佢同埋Bubble都已經做咗佢哋要做嘅嘢；當中係點，進行到乜嘢level我無乜興趣深究，最緊要佢哋兩個覺得舒服…
Q：「喂，懶豬，爛瞓豬，要起身喇。」我一擘大眼，點知真係見到有隻豬喺我面前…早晨吉百利…
我：「早晨，我重想覺覺豬呀…」
Q：「唔得呀，我肚餓豬喇，你話過要養我㗎。」
我：「咁等多陣先，我驚養肥妳就唔係幾好，到時得返吉百利肯陪妳。」講真吉百利玩咗咁多年係變到有啲瘦。




Q：「哦，好吖，咁我食晒韻婷啲曲奇佢一塊都唔留畀你，反正你都唔志在㗎啦。」