為了實現媽媽遺願，我成為了女兒國唐僧: 967

瘟：「欸…我身為師弟，又點敢對師姐不敬喎。」
我：「定係你覺得我唔吸引，所以…」
瘟：「點會喎，同大波師姐攬攬惜惜打茄輪，應該係一個好正嘅體驗嚟。」
我：「之但係…咁你又會放過我，係乜原因？」
瘟：「定係師姐妳好想同我打茄輪，我OK㗎，企定定等妳嚟，懲罰我啦，師弟會配合妳。」
我：「咪癲啦，我又點會搵呢啲嘢嚟玩。」
瘟：「咁咪係囉，原因…唔係好重要嘅啫，或者唔知好過知，其實我都唔係好知發生緊乜事，可能…有人唔想我掂到佢親愛嘅師姐掛，搞到我食白果。」
我：「算吧啦，你都係專心溝返你嘅女神師妹。」
瘟：「邊有咁易吖，原來社長係無加乘㗎，玩咗一年就係得個桔，重要好攰。」
我：「我夠得個桔，你估剩係得你咩。」




瘟：「做乜呀，師姐妳好想溝仔咩？如果妳真係要去馬嘅話，大把仔有得妳食啦。」
我：「唔要呀，就考DSE喇，要專心溫書…不過你就重有一年，我等睇你表演㗎！」
瘟：「講呢啲…下年先算啦！我要去忙喇，祝DSE順利。」講完佢就走咗。
睇嚟佢都只係知要放過我，唔清楚死人爽有乜詭計。
你就開心啦，攞住六千蚊同佢哋食乜都得…
我收埋返啲銀紙同個銀仔tray落個夾萬仔，諗起啲嘢。
我：「喂，我係Bubble呀，想問下我哋社今年埋數剩返幾多錢呀？」
「呀，社長？我琴日埋完send咗email畀妳喇喎，有千幾蚊盈餘囉，差少少就二千，係乜事呀，唔係有錯嘛？」
我：「唔係，無錯，信得過你，一陣食飯見喇！」
唔似得其他燒錢學會，例如攝影學會夾錢買菲林同sd卡都可以隨便收會員成嚿水，社嘅資金來源就只有開學時每位同學嘅五十蚊，一個社大概分到二百位同學多啲，即係總數就一萬到，其實一個陸運會已經燒咗成半…




我：「喂，陸sir呀，唔好意思…我見今次社際足球除咗夾租場錢之外都無乜出過錢，背心同飲品都係用返啲剩餘物資，咁我哋社又重有啲錢剩，想問下可唔可以draw少少當係籌備…」
返到屋企已經身心疲累…我除咗條校裙掉落洗衣機。
打開個櫃桶望住啲底衫褲，平時無乜理過其實好多都開始變得殘舊，尤其係對波中四就大定咗之後…有啲開始起毛粒，有啲就變黃，呢啲嘢只有自己睇到所以我慳得就慳；雖然一陣未必會發生乜事，但我都揀咗個比較新淨嘅淺灰色Bra，起碼望落斯文企理。